Manifesto dos persas

Na Galipedia, a Wikipedia en galego.
Saltar ata a navegación Saltar á procura
Portada do libro publicado co título de Manifesto dos persas.

Manifesto dos persas é o nome que tomou un documento asinado o 12 de abril de 1814, en Madrid, por sesenta e nove deputados das Cortes españolas, á fronte dos cales asinou o deputado por Sevilla Bernardo Mozo de Rosales. Nel pedíase ao rei Fernando VII, que retornaba do exilio francés e se atopaba en Puçol[1] (Valencia), o retorno ao Antigo Réxime e o derrogamento da lexislación creada polas Cortes de Cádiz dende 1812.

O manifesto tomou o seu nome a partir dunha cita, no mesmo documento, no que se refire ao costume dos antigos persas para gozar de cinco días de anarquía despois da morte do rei. Os autores identificaban esa anarquía co período do liberalismo vixente dende a Constitución de Cádiz até ese momento. O documento equiparaba á constitución gaditana á Revolución francesa e reclamaba a restauración dos estamentos e os privilexios tradicionais do Antigo Réxime.

O documento foi empregado polo rei para declarar o 4 de maio, o restablecemento do absolutismo.

Notas[editar | editar a fonte]

  1. Queralt, María Pilar (2002). Atlas Ilustrado de la Historia de España. Madrid: Susaeta. p. 147. ISBN 9788430558339. 

Véxase tamén[editar | editar a fonte]

Ligazóns externas[editar | editar a fonte]