Malá Strana

Malá Strana

Localización
50°05′17″N 14°24′14″L
País	República Checa
Cidade	Praga
Contén a división administrativa	Q107739121 Q107739122
Poboación
Poboación	4.584 (2021) (3.338,67 hab./km²)
Xeografía
Superficie	1,373 km²
Bañado por	Río Moldava e Čertovka (en)
Altitude	209 m
Comparte fronteira con	Hradčany Staré Město

Imaxe de Malá Strana dende o outeiro de Petřín.

Malá Strana (do checo: O Pequeno Costado) é un dos distritos máis antigos e de maior representación histórica en Praga xunto con Hradčany e Staré Město (caso antigo), que se atopan respectivamente ao oeste e ao leste.

Durante a Idade Media, Malá Strana foi o centro máis importante dos cidadáns de etnia alemá estabelecidos na cidade. Tamén foi o sitio de asentamento de varios pazos da nobreza, en contraposición aos pobos da ribeira dereita que, comparativamente, eran máis burgueses e de etnia bohemia. O famoso novelista checo Jan Neruda naceu e viviu gran parte da súa vida neste lugar, e varias das súas obras tratan sobre Malá Strana. A rúa Nerudova leva o nome na súa honra.

Etimoloxía

O significado literal de Malá Strana é "Pequeno Costado", aínda que frecuentemente é traducido como "Pequena Vila", "Pequeno Barrio" ou "Pequena Cidade". É o nome da zona antes chamada Malé Město Pražské ("A pequena cidade de Praga"). O nome deste distrito débese á súa posición na ribeira esquerda do río Moldava, no pequeno outeiro que se atopa aos pés do Castelo de Praga, en oposición aos asentamentos de maior tamaño que se atopaban alén do río.

Historia

Igrexa de San Nicolao.

Na antigüidade, Malá Strana foi chamada Malé Město Pražské. Malé Město Pražské foi creado en 1257 por unha amálgama de asentamentos que se estendían baixo o Castelo de Praga, constituíndo unha única unidade administrativa baixo o reinado de Otakar II. O novo núcleo obtivo o permiso de ser unha poboación Real e varios privilexios máis. Os residentes eran na súa maioría artesáns alemáns convidados polo Rei. A pesar do status Real, o Rei non controlaba a cidade ao completo. A mediados do século a cidade trocou o seu nome a Malá Strana.

Durante a Idade Media, Malá Strana foi o centro máis importante das etnias alemás establecidas en Praga. Tamén foi o sitio de asentamento de varios palacios da nobreza, en contraposición aos pobos da ribeira dereita que, comparativamente, eran máis burgueses. A praza do mercado, agora coñecida como Malostranské náměstí, era o centro da cidade. Inicialmente, esta praza estaba dividida en dúas partes, a máis alta e a baixa, coa igrexa de San Nicolao na separación. Ao igual que na maioría Praga, a pegada de Carlos IV é notable en Mala Strana, como por exemplo a Muralla da Fame. En 1541 a cidade foi danada polas lapas e devastadoras guerras, quedando o barrio completamente destruído.

Arquitectura

O barrio recibe o alcume de A perla do barroco, debido á grande influencia deste estilo nos seus palacios e rúas. A influencia italiana é notable, mesmo existiu un barrio italiano, do cal a rúa Vlašska recibiu o seu nome (en checo antigo, Italia recibía o nome de Vlachy). O barrio conta con numerosos palacios. A proximidade do Castelo de Praga incito aos nobres a instalarse nel e mostrar o seu poderío.

Tralo incendio de 1541 abríronse novos espazos, que permitiron o seu desenvolvemento. Hoxe en día pódense contemplar numerosos palacios, tanto renacentistas como barrocos, e igrexas cuxa arquitectura está baseada na contra-reforma, un exemplo é a igrexa de San Nicolao ou a da Nosa Señora da Vitoria, que celebra a derrota das tropas protestantes fatídica na Batalla da Montaña Branca. Nela está a coñecida estatua do Neno Xesús de Praga. Outra atracción do distrito é a torre de observación de Petřín.

Palacios

Palacio Wallenstein.

Hoxe, a meirande parte dos palacios do barrio son embaixadas:

• Palacio Buquoy, Francia.
• Palacio Furstenberg, Polonia.
• Palacio do Gran Prior, Orde de Malta.
• Palacio Kounic, Serbia.
• Palacio Lobkowicz, Alemaña.
• Palacio Turba, Xapón.
• Palacio Thun, Reino Unido.
• Palacio Thun-Hohenstein, Italia.

Outros palacios convertéronse en sede de institucións checas: está a Sněmovna ou Cámara dos Deputados; o Palacio Wallenstein, sede do Senado; o Palacio de Nostic, antiga embaixada dos Países Baixos e hoxe Ministerio de Cultura; o Palacio Palffy, onde está o conservatorio de música; ou o Palacio Michna, que alberga múltiples institucións, como por exemplo a Facultade de Educación Física e Deporte da Universidade Carolina de Praga.

Véxase tamén

Outros artigos

• Praga

Ligazóns externas

• Malá Strana e Prague Experience (en inglés)