Maidan (filme de 2014)
| Maidan | |
|---|---|
| Ficha técnica | |
| Título orixinal | Майдан |
| Director | Sergei Loznitsa |
| Produtor | Sergei Loznitsa Maria Baker |
| Fotografía | Sergei Loznitsa Serhiy Stetsenko Mykhailo Yelchev |
| Montaxe | Sergei Loznitsa Danielius Kokanauskis |
| Estudio | Atoms & Void |
| Distribuidora | The Cinema Guild (Estados Unidos) ARP Sélection (Francia) |
| Estrea | Festival de Cannes: 21 de maio de 2014 |
| Duración | 130 minutos |
| Orixe |  Ucraína Países Baixos |
| Xénero | Documental |
| Na rede | |
      | |
Maidan (en ucraíno: Майдан) é un filme ucraíno-neerlandés de 2014 dirixido por Sergei Loznitsa. O filme céntrase no movemento Euromaidan de 2013 e 2014 en Maidan Nezalezhnosti (Praza da Independencia) que aconteceu na capital de Ucraína, Kíiv. Foi filmado durante as protestas e representa diferentes aspectos da revolución, dende as concentracións pacíficas ata enfrontamentos sanguentos entre policías e civís.[1][2] Estreouse o 21 de maio de 2014 no Festival Internacional de Cinema de Cannes.[3] Estreouse nos cinemas dos Estados Unidos o 12 de decembro de 2014.[4]
Sinopse[editar | editar a fonte]
O filme explora e segue as protestas e a violencia na Maidan Nezalezhnosti (Praza da Independencia) de Kíiv que levaron ao derrocamento do presidente Viktor Yanukovych.
Estrea[editar | editar a fonte]
Logo da súa estrea internacional en Cannes, o filme estreouse nos cinemas de Francia o 23 de maio de 2014, e nos de Ucraína o 24 de xullo de 2014.[5] Tivo unha estrea limitada nos Estados Unidos o 12 de decembro de 2014, antes de difundirse internacionalmente o 20 de febreiro de 2015, cadrando coa data da revolución en Ucraína.[6] En abril de 2018, o filme aínda non se mostrou en Rusia.[7]
Acollida[editar | editar a fonte]
O filme recibiu unha acollida positiva por parte da crítica. O agregador de críticas Rotten Tomatoes informou que o 100% dos 24 críticos de cinema deron unha valoración positiva ao filme, cunha valoración media de 7,91 sobre 10.[8] En Metacritic, que asigna unha media ponderada entre 100 valoracións dos críticos cinematográficos, o filme ten unha puntuación media de 86, baseada en 9 críticas, o que indica unha resposta de "aclamación universal".[9]
Leslie Felperin de The Hollywood Reporter deulle unha crítica positiva ao filme e dixo que "este abraiante filme de escala épica remóntase ás raíces heroicas e xornalísticas da elaboración de documentais e aínda se sente inefablemente moderno e formalmente atrevido".[10] Na súa recensión para Variety, Jay Weissberg escribiu que "En contraste coa maioría dos documentais feitos a raíz dun evento histórico, "Maidan" durará máis aló da actual convulsión ucraína para ser unha testemuña convincente e unha resposta modelo a un momento seminal demasiado fresco para ser procesado por completo".[11] Lee Marshal, ao revisar o filme para Screen International, dixo que "mesmo no medio dos molotovs, o documento sincero e memorable de Loznitsa conserva a súa fascinación por eses pequenos detalles que nos fan humanos, e fan que pague a pena loitar pola democracia".[12] Michael Atkinson de The Village Voice chamouno "facilmente o filme máis rigorosa, vital e poderoso de 2014, Maidan" de Sergei Loznitsa pode ser unha máquina de cinema baziniano perfecta: a realidade é capturada, cristalizada, honrada pola súa complexidade orgánica, e entregada non envelenada por exposición ou énfase".[13] Andrew Pulver, nunha recensión para The Guardian, declarou: "En certos aspectos é perfecto, na súa negativa ao estilo de Eisenstein a comprometer a idea da multitude como participante clave. Noutras formas, porén, a súa severidade dificultao".[14]
Howard Feinstein de Filmmaker Magazine escribiu que "Maidan é fermoso aínda que estridente. Nunca traspasa a liña de estetizar a revolución, o sufrimento e a brutalidade que a acompañan. A súa habilidade deriva da precisión obsesiva. Rexistras Maidan do mesmo xeito que fai os coñecidos cadros de terror da, por exemplo, a guerra civil española e a Revolución Francesa: non é unha interpretación, senón unha obra de arte que recolle a verdade dun momento histórico".[15] Daniel Walber de Nonfics, considerou o filme "un retrato dun pobo, un lugar e un momento máis ca unha disertación sobre o seu contexto ou implicacións. É un cinema cru e inquebrantable para unha nación con problemas nun momento grande e terrible".[16] Oleg Ivanov de Slant Magazine deulle ao filme tres de cada catro estrelas, escribindo que "pon ao espectador dentro de Maidan, permitíndolle sacar as súas propias conclusións sobre as ideas e axendas defendidas polos líderes e participantes do movemento".[17]
Notas[editar | editar a fonte]
- ↑ "Documentary 'Maidan' polarizes participants in Ukraine revolution". Consultado o 9 de xaneiro de 2015.
- ↑ "Inside 'Maidan': Sergei Loznitsa on His Ukrainian Uprising Doc and Putin's 'Fascist' Regime". Consultado o 9 de xaneiro de 2015.
- ↑ "Cinema Guild Picks Up 'Maidan,' Sergei Loznitsa's Cannes Doc About Ukraine Revolution". Consultado o 9 de xaneiro de 2015.
- ↑ "MAIDAN opens on Friday, December 12 exclusively at FSLC for one week only". Consultado o 9 de xaneiro de 2015.
- ↑ "DOCUMENTARY "MAIDAN" BY SERGIY LOZNYTSYA WILL BE RELEASED IN JULY". Consultado o 9 de xaneiro de 2015.
- ↑ "Dogwoof Take UK Rights For Ukrainian Doc Maidan". Arquivado dende o orixinal o 12 de xaneiro de 2015. Consultado o 9 de xaneiro de 2015.
- ↑ "Director Sergei Loznitsa on Russia: 'It's hard to change the mentality of a nation'". Consultado o 13 de abril de 2018.
- ↑ "Maidan (2014)". Rotten Tomatoes. Fandango Media. Consultado o 1 de xullo de 2015.
- ↑ "Maidan (2014): Reviews". Metacritic. CNET Networks. Consultado o 2014-09-01.
- ↑ "'Maidan': Cannes Review". Consultado o 9 de xaneiro de 2015.
- ↑ "Film Review: 'Maidan'". Consultado o 9 de xaneiro de 2015.
- ↑ "Maidan". Consultado o 9 de xaneiro de 2015.
- ↑ "Maidan Reveals a Ukrainian Uprising -- and the Crackdown". Arquivado dende o orixinal o 10 de decembro de 2014. Consultado o 9 de xaneiro de 2015.
- ↑ "Cannes 2014: Maidan review – an unblinking look at Ukraine's history in action". Consultado o 9 de xaneiro de 2015.
- ↑ "Never the Twain Shall Meet: Maidan". Consultado o 9 de xaneiro de 2015.
- ↑ "'Maidan' Review: A Grand, Unflinching Epic of the Ukrainian Revolution". Consultado o 9 de xaneiro de 2015.
- ↑ "FILM REVIEW". Consultado o 9 de xaneiro de 2015.
Véxase tamén[editar | editar a fonte]
Outros artigos[editar | editar a fonte]
- Lilya Kaganovsky Review of Maidan // Slavic Review. — 2015. — Vol. 74, iss. 4. — P. 894–895. — DOI:10.5612/slavicreview.74.4.894.
