Magneta Lane

Magneta Lane
	Instancia de grupo musical
	Instancia de grupo musical
Características
	Xénero artístico indie rock
Implicados
	Selo discográfico Paper Bag Records (pt)
Datas
	Fundación / creación 2003
Localización
	Lugar de formación Toronto
VIAF
Códigos e identificadores
VIAF
VIAF	155896918
ISNI	0000000104208034
Freebase	/m/01rf_tv
Fontes e ligazóns
	Páxina WEB magnetalane.com
	Wikidata C:Commons

Magneta Lane é unha banda canadense de rock alternativo procedente de Toronto, Ontario e formada no ano 2003. Os seus tres membros son mulleres, Lexi Valentine (voces e guitarra), Nadia King (batería) e French (baixo). O grupo recibiu boas críticas co seu álbum de estrea The Constant Lover. O seu primeiro sinxelo, tamén titulado "The Constant Lover", e o segundo, "Ugly Socialite", emitíronse frecuentemente nas canles MTV, VH1 e MuchMusic.

Historia

A banda formouse no outono de 2003 e pasaron o ano seguinte realizando concertos na zona de Toronto. Dende entón foron entrando nas distintas escenas independentes internacionais. O seu son ten sido comparado co de The Strokes, The Runaways e The Pretenders, e ten influencias de Nancy Sinatra, Sonic Youth, The Kinks, Hole e The Cardigans.

Editaron os seus álbums The Constant Lover e Dancing with Daggers a través do selo independente de Toronto Paper Bag Records. Ámbolos dous tiveron éxito e permitíronlles xiras polo Canadá, os Estados Unidos, o Xapón e parte de Europa. Posteriormente, o grupo asinou un contrato con Last Gang Records e editou Gambling with God no Canadá o 15 de setembro do 2009.

Lexi apareceu como vocalista convidada nos temas de Tokyo Police Club "Nature Of The Experiment", de K-os "Fun" e de Neverending White Lights "Black Is The Colour Of My True Love's Heart".

Tras Gambling with God, a banda pasou por dificultades e estivo desaparecida por un tempo ata regresar en 2013 co EP Witchrock. Este traballo foi publicado a través da nova discográfica creada polo propio grupo, Splendor House, sendo distribuído por eOne Music.

A música de Magneta Lane apareceu na banda sonora das series The L Word e Lost Girl e da película CAKE.

Discografía

Álbum	Ano	Selo	Notas
The Constant Lover	2004	Paper Bag Records	EP
Dancing with Daggers	2006	Paper Bag Records
Gambling with God	2009	Last Gang Records
Witchrock	2013	eOne Music	EP

Véxase tamén

Ligazóns externas