Mac OS X Jaguar

Mac OS X Jaguar
Instancia de sistema operativo macOS Unix-like  Baseado en Darwin
Características  Plataforma PowerPC  Biblioteca de IU Aqua  Licenza Apple Public Source License acordo de licenza do usuario final
Implicados  Desenvolvedor/a Apple Inc.
Datas  Data de publicación 23 de agosto de 2002
Historia  Parte da serie macOS  Precedido por Mac OS X Puma  Sucedido por Mac OS X Panther  Versións 10.2.8 (3 de outubro de 2003)
Códigos e identificadores Freebase /m/024yz6
Fontes e ligazóns  Páxina WEB apple.com…
Wikidata

Mac OS X Jaguar (versión 10.2) é a terceira versión de macOS, o sistema operativo e servidor de Apple Inc. Substituíu a Mac OS X Puma e precedeu a Mac OS X Panther. O sistema operativo foi lanzado o 23 de agosto de 2002. Estaba dispoñible tanto para instalacións nun só ordenador como nun "paquete familiar" que permitía realizar cinco instalacións en ordenadores distintos nunha mesma casa. Jaguar foi a primeira versión de Mac OS X en utilizar publicamente o seu nome en clave en mercadotecnia e publicidade.

Características

Contaba cun novo incremento no seu rendemento, un novo e depurado look e máis de 150 melloras que inclúen:

• Maior soporte para redes de Microsoft Windows.
• Quartz Extreme para a composición de gráficos sexa procesada directamente pola tarxeta de vídeo.
• Un filtro adaptativo contra spam.
• Apple Address Book para almacenar a información de contactos.
• Sistema de rede Rendezvous (unha implementación de Apple de Zeroconf; renomeada a Bonjour por problemas legais na versión 10.4).
• iChat: Un programa de chateo con soporte de AOL Instant Messenger.
• Un renovado Finder con procuras integradas en cada fiestra.
• Ducias de novas características do Apple Universal Access.
• Sherlock 3: Servizos web.
• CUPS (Common Unix Printing System): que permite o uso de drivers GIMP-print, hpijs e demais para impresoras non soportadas oficialmente.

No Reino Unido non se utilizou oficialmente o nome de Jaguar para referirse a Mac OS X v10.2 para evitar entrar en conflito co fabricante de automóbiles Jaguar, aínda que a caixa e os CDs seguiron conservando o logo con pel de Jaguar.