Músculo pectíneo
| Pectíneo | |
|---|---|
 | |
| Gray's | subject #128 472 |
| Orixe | columna pubiana |
| Inserción | liña de pectina do fémur |
| Vascularización | arteria obturadora |
| Innervación | nervio obturador |
| Accións | cruzamento das pernas |
O músculo pectíneo (musculus pectineus), é un músculo forte, plano e cuadrangular da perna, en forma de pente; de aí o seu nome[1]. Atópase ao nivel da ingua, e esténdese dende o óso coxal até o fémur, tanto en humanos como noutros animais mamíferos, como os cans por exemplo.[2]
Xunto cos músculos adutores da perna (adutor maior, longo e curto) moven a coxa de fóra para dentro nun movemento chamado adución.[3] Son músculos que permiten o movemento de cruzar a perna sobre a outra.
Insercións
[editar | editar a fonte]As insercións superiores ou posteriores trazan unha liña lixeiramente horizontal, desde a columna pubiana, a través da crista da pectina e o ligamento pectíneo por riba da crista,[4] despois o labio anterior do suco obturador e a cara profunda da fascia que cobre este músculo.
A inserción inferior realízase na liña de trifurcación medial da liña rugosa do fémur,[5] por debaixo do trocánter menor, na chamada liña de pectina do fémur.
Innervación e irrigación
[editar | editar a fonte]A innervación é por unha rama muscular do nervio femoral (nervio musculocutáneo interno)[6] (L2, L3), e ocasionalmente polo nervio obturador.[7]
A súa irrigación arterial provén da arteria obturadora, unha rama da arteria ilíaca interna.
Imaxes
[editar | editar a fonte]-
Músculo pectíneo (en vermello). -
Superficie externa da cadeira dereita. -
Estruturas que rodean a articulación da cadeira dereita. -
Músculos profundos da rexión femoral medial. -
O triángulo femoral esquerdo. -
Vídeo en Ken Hub sobre o músculo pectíneo (en inglés)
Diseccións onde se pode observar o músculo pectíneo
[editar | editar a fonte]
Notas
[editar | editar a fonte]- ↑ "Dicionario; pectíneo". Real Academia Galega. Consultado o 2022-05-21.
- ↑ Carlos López Plana, Manuel López Béjar. Departament de Sanitat i d'Anatomia Animals[Ligazón morta permanente]. Facultade de Veterinaria. Universitat Autònoma de Barcelona.
- ↑ Sánchez, Aniceto Méndez. "DEPARTAMENTO DE ANATOMÍA Y ANATOMÍA PATOLÓGICA COMPARADAS" (PDF). www.uco.es (en castelán). Arquivado dende o orixinal (PDF) o 20 de febreiro de 2019. Consultado o 2022-05-21.
- ↑ "APUNTES DE ANATOMIA". www.iqb.es. Consultado o 2022-05-21.
- ↑ Universidad de Granada
- ↑ "ortopedia.cl - This website is for sale! - Ortopedia Resources and Information.". www.ortopedia.cl. Consultado o 2022-05-21.
- ↑ "Pectíneo". Apuntes de anatomia (en castelán). Arquivado dende o orixinal o 11 de outubro de 2007. Consultado o 21 de maio de 2022.
Véxase tamén
[editar | editar a fonte] |
Wikimedia Commons ten máis contidos multimedia na categoría: Músculo pectíneo  |
