Luisa Revuelta
 Luisa Revuelta en 1918 no papel de Doña Jimena na representación da obra Quince días de reinado de Francisco Navarro Villoslada.  | |
| Biografía | |
|---|---|
| Nacemento | 1905 Santiago de Compostela, España |
| Morte | 1983 (77/78 anos) Córdoba, España |
| Datos persoais | |
| País de nacionalidade | España |
| Educación | Universidade de Santiago de Compostela Universidade Complutense de Madrid |
| Actividade | |
| Campo de traballo | Language and literature (en)  |
| Ocupación | catedrática de bacharelato (1935–) |
| Membro de | |
| Lingua | Lingua castelá |
Luisa Revuelta Revuelta, nada en Santiago de Compostela o 26 de xaneiro de 1905 e finada en Córdoba (Andalucía) en 1983, foi unha profesora e pedagoga galega.
Traxectoria[editar | editar a fonte]
Filla de Adolfo Revuelta Fernández[1] e Gregoria Revuelta Lázaro.[2] Estudou Filosofía e Letras na Universidade de Santiago de Compostela,[3] e nesa época estivo na directiva da Asociación de Estudiantes Católicos de Derecho.[4] Licenciouse en 1929 na Universidade Central de Madrid pola sección de Historia.
Presentouse ás oposicións á cátedra de instituto de Lingua e literatura española, obtivo praza en Logroño en 1933[5] e accedeu ao corpo de catedráticos en 1935, destinada a Teruel.[6] En 1940 trasladouse a Córdoba, e en 1942, logo dun proceso de depuración, obtivo a cátedra. Exerceu como docente ata a xubilación en 1975.
Na docencia adoitaba realizar co seu alumnado representacións teatrais, actividade que xa practicara na infancia na Juventud Antoniana.[7] Levou a cabo representacións de pezas como o auto sacramental La siega no teatro Marín de Teruel (1935) ou a adaptación da comedia La hermosa fea no Instituto de Córdoba (1944), pezas as dúas de Lope de Vega. En 1943 representou o paso El convidado de Lope de Rueda, e en 1946 o poema dramático Gran Reina de Blanco Belmonte. O 23 de abril de 1947, co gallo do IV Centenario do nacemento de Miguel de Cervantes, representou Don Quijote en casa de los Duques, La gitanilla e La elección de los alcaldes de Daganzo.[8]
En 1945 nomeárona académica correspondente da Real Academia de Ciencias, Bellas Letras y Nobles Artes de Córdoba, e en 1946 pasou a ser académica de número.
Obra[editar | editar a fonte]
- Caminos de España (Valencia, 1939)
- Las armas y las letras, Renacimiento de nuestros valores universitarios (Córdoba, 1943)
- "Valera estilista". Boletín de la Real Academia de Córdoba nº 45 (1946)
Editora[editar | editar a fonte]
- Los pechos privilegiados, de Juan Ruiz de Alarcón (Biblioteca de Clásicos Ebro, 1946).
Recoñecementos[editar | editar a fonte]
Leva o seu nome o segundo centro de formación do profesorado de Córdoba, inaugurado en 1996.
Véxase tamén[editar | editar a fonte]
Bibliografía[editar | editar a fonte]
- Cosano Moyano, José; Cruz Casado, Antonio (2016). Luisa Revuelta y Revuelta, docente, investigadora y académica. Diputación de Córdoba - Real Academia de Córdoba.
Notas[editar | editar a fonte]
- ↑ "Crónica social". El Correo de Galicia (en castelán). 16 de xullo de 1914. p. 2.
- ↑ Ministerio de Cultura y Deportes (ed.). "Revuelta Revuelta, Luisa (1905-1983)". PARES, Portal de archivos españoles. Consultado o 28 de outubro de 2023.
- ↑ "La señorita Luisa Revuelta, alumna de la Universidad de Santiago, que ha obtenido matrícula de honor en todas las asignaturas de tercer año de la Facultad de Filosofía y Letras". Vida Gallega (229). 25 de xullo de 1923. p. 18.
- ↑ "Los Estudiantes Católicos". El Compostelano (en castelán). 18 de outubro de 1922. p. 1.
- ↑ "Nuevos profesores del instituto". El Ideal Gallego (en castelán). 7 de novembro de 1933. p. 1.
- ↑ "Índice de las disposiciones que publica". El Pueblo Gallego (en castelán). 20 de outubro de 1935. p. 6.
- ↑ "Quince días de reinado". El Eco Franciscano. 15 de xullo de 1918. p. 330.
- ↑ Pilar Bartolomé (18 de febreiro de 2018). "La docente que revolucionó la educación" (en castelán).
