Luciana Aymar

Na Galipedia, a Wikipedia en galego.
Saltar ata a navegación Saltar á busca
Luciana Aymar
Luciana Aymar.jpg
Nacemento 10 de agosto de 1977
  Rosario
Nacionalidade Arxentina
Ocupación xogadora de hóckey e Modelo
editar datos en Wikidata ]

Luciana Paula Aymar, nada en Rosario o 10 de agosto de 1977 é unha ex-xogadora arxentina de hóckey sobre herba.[1]

É a única xogadora da historia que recibiu oito veces o premio da FIH á mellor xogadora do ano,[2] e está considerada a mellor xogadora de hóckey de todos os tempos.[3][4][5]

Aymar é coñecida pola súa capacidade de superar as rivais empregando mediante cambios e releos. Por este motivo recibiu os alcumes de "La Maga" ("A maga") e "A Maradona do hóckey sobre herba". Foi a abandeirada da Arxentina nos Xogos Olímpicos de 2012, sendo a segunda xogadora deste deporte que o fai, despois de Marcelo Garraffo.

Traxectoria[editar | editar a fonte]

Aymar comezou a xogar aos sete anos no Club Atlético Fisherton de Rosario. Seis anos despois cambiouse ao Jockey Club de Rosario. Gradualmente comezou a adestrar coa selección nacional júnior, para o que viaxaba todos os días a Buenos Aires. Na súa carreira internacional xogou no Rot Weiss Köln de Alemaña e no Real Club de Polo de España. No seu país, xogou no Quilmes Atlético Club e no GEBA, co que gañou a Liga Nacional e o Torneo Metropolitano. En 1997 formou parte da selección júnior da Arxentina que gañou o campionato júnior dos Xogos Panamericanos e a medalla de bronce na Copa do Mundo de Hóckey júnior. O ano seguinte debutou coa selección absoluta, acabando cuartas na Copa do Mundo.

Aymar pertence á xeración de xogadoras arxentinas que gañou varios torneos internacionais a partir dos Xogos Panamericanos de 1999, incluíndo catro medallas olímpicas e seis Trofeos de Campioas. Foi membro dos equipos que gañaron as Copas do Mundo de 2002 e 2010, a última delas na súa cidade natal de Rosario.

En 2008 foi declarada "Lenda do Hóckey" pola International Hockey Federation.

Xogou o seu último partido internacional coa Arxentina o 7 de decembro de 2014 en Mendoza, onde gañou o seu sexto Trofeo de Campioas.

Clubs[editar | editar a fonte]

Club País Anos
Rot-Weiss Köln Alemaña Alemaña 1998
Real Club de Polo España España 1999
Quilmes Flag of Argentina.svg Arxentina 2000 - 2007
Gimnasia y Esgrima Flag of Argentina.svg Arxentina 2007 - 2011

Notas[editar | editar a fonte]

Véxase tamén[editar | editar a fonte]