Luca de la Torre
| Biografía | |
|---|---|
| Nacemento | (en) Lucas Daniel de la Torre  23 de maio de 1998 San Diego |
| Datos persoais | |
| País de nacionalidade | Estados Unidos |
| Altura | 175 cm |
| Actividade | |
| Ocupación | futbolista |
| Nacionalidade deportiva | Estados Unidos de América |
| Deporte | Fútbol |
| Posición de xogo | Mediocampista |
| Número deportivo | 36 |
| Membro do equipo deportivo | Celta de Vigo |
Lucas Daniel de la Torre (nado en San Diego, California, Estados Unidos o 23 de maio de 1998) é un futbolista estadounidense que xoga como mediocampista no Real Club Celta de Vigo, equipo galego da Primeira División de España. A súa fichaxe produciuse en xullo de 2022, procedente do Heracles Almelo da Eredivisie, a primeira división da liga de fútbol Países Baixos.
Clubs[editar | editar a fonte]
Primeiros anos[editar | editar a fonte]
O seu primeiro contacto co fútbol produciuse nos Nomad Soccer CLub e no San Diego Surf, ambos en California. Con 15 anos, en 2013, mudouse a Reino Unido para xogar nas categorías inferiores do Fulham. O seu debut co equipo inglés foi o 9 de agosto de 2016 na primeira rolda da Copa da Liga contra o Leyton Orient. O seu primeiro partido na Premier League foi nun encontro contra o Bolton Wanderers o 28 de outubro de 2017, coma substituto de Tomáš Kalas. O partido rematou en empate 1-1 na casa.
O seu primeiro gol co Fulham foi na eliminatoria da Copa da Liga contra o Millwall o 25 de setembro de 2018.
Heracles Almelo[editar | editar a fonte]
O 6 de agosto de 2020 firmou un contrato de dous anos co Heracles Almelo da Eredivisie. No seu debut deu unha asistencia, 13 de setembro de 2020 nunha vitoria por 2-0 sobre ADO Den Haag. Ademais formou parte do Equipo do mes da Eredivisie de marzo de 2021[1].
Celta de Vigo[editar | editar a fonte]
O 7 de xullo de 2022, Luca de la Torre converteuse na terceira fichaxe estival do Celta de Vigo[2], cun prezo de traspaso duns 2 millóns de euros[3].
Seleccións[editar | editar a fonte]
Luca de la Torre é internacional absoluto coa Selección de fútbol dos Estados Unidos. O seu debut foi o 2 de xuño de 2018, cando entrou como suplente nun amigábel fronte a Irlanda.
En categorías inferiores, de la Torre formou parte da selección sub-17 de Estados Unidos para o Campionato Sub-17 da Concacaf de 2015 e na Copa Mundial de Fútbol Sub-17 de 2015.
En 2017 conquistou o título do campionato Sub-20 da Concacaf.
Notas[editar | editar a fonte]
- ↑ "Club list of registered players: As at 19th May 2018: Fulham" (PDF). English Football League. p. 16. Retrieved." (PDF). EFL. Consultado o 8 de xullo de 2022.
- ↑ "USMNT midfielder Luca de la Torre set to sign for LaLiga's Celta Vigo - sources". Espn.com. Consultado o 8 de xullo de 2022.
- ↑ "Luca de la Torre chegará ao celta traspasado por 1.8 millóns.". La Voz de Galicia. Consultado o 4 de xullo de 2022.
Véxase tamén[editar | editar a fonte]
Outros artigos[editar | editar a fonte]
| Control de autoridades |
|
|---|
