O desenvolvemento do filme comezou en 2012, mais o proxecto adiouse durante anos até outubro de 2018, cando O'Brien e Matthews se uniron ó filme. O resto do elenco uniuse ó proxecto nos meses seguintes, e a rodaxe produciuse en Australia dende marzo até maio de 2019.
Estaba previsto que Love and Monsters se estrease orixinalmente nos cinemas a través de Paramount Pictures e febreiro de 2021. Por mor da pandemia de COVID-19, o estudio optou por lanzar dixitalmente o filme a través de vídeo baixo demanda, así como nalgúns cinemas escollidos, o 16 de outubro de 2020. O filme recibiu polo xeral valoracións positivas por parte da crítica. Na 93ª edición dos Óscar, foi nomeado ós mellores efectos visuais.[1]
