A lingua yonaguni (与那国物言/ドゥナンムヌイ Dunan Munui) é unha lingua ryukyana falada por arredor de 400 persoas na illa de Yonaguni, nas Illas Ryukyu, un arquipélago xaponés ao leste de Taiwán.[1] Está estreitamente relacionada coa lingua yaeyama. Debido á política xaponesa en relación ás linguas, non está recoñecida polo goberno, e é considerado un dialecto (与那国方言, "Yonaguni hōgen"). Segundo a clasificación da UNESCO, o yonaguni é unha das linguas que se atopan en maior perigo de todo o Xapón, só por detrás do ainu. O yonaguni está clasificado como en perigo severo polo Libro Vermello das Linguas Ameazadas da UNESCO.[2]
