Este artigo amosa escritos chineses. Sen o soporte axeitado, o texto pode mostrar símbolos sen sentido, coma caixas, marcas e outros.
Li Na, nada o 26 de febreiro de 1982 en Wuhan, Hubei, é unha tenistachinesa, actualmente retirada. Li gañou 7 títulos individuais da WTA e 19 da ITF. Gañou o Roland Garros de 2011, converténdose na primeira xogadora asiática en gañar un Grand Slam en individuais. Antes diso, xa se convertera na primeira asiática en chegar a unha final individual dun Grand Slam, ó alcanzar a final do Open de Australia de 2011. Foi ademais finalista no Open de Australia de 2013. O seu posto máis alto na clasificación de individuais foi o número 4, conseguido en xuño de 2011.[1]