Lacipo
Coordenadas: 36°26′37″N 5°18′26″O / 36.44361, -5.30722
.jpg)
A cidade romana de Lacipo, situada no concello de Casares (na provincia de Málaga, España), na zona coñecida como El Torreón, é practicamente unha atalaia sobre unha vía de penetración importante, desde a costa ao interior, en época romana. A súa situación estratéxica, convértena nun importante enclave de control, que dominaba a vía de penetración do val cara ao interior das actuais provincias de Cádiz e Málaga, e, polo tanto, ao controlar as zonas altas, dominaba tamén boa parte destas dúas provincias.
As primeiras referencias a Lacipo documéntanse a través dos escritos dos xeógrafos grecolatinos, e Plinio o Vello e Pomponio Mela fan corresponder Lacipo ó Convento Xurídico Gaditano, como cidade tributaria.
Escavacións arqueolóxicas[editar | editar a fonte]
En 1975 e 1976, Lacipo foi obxecto de escavaciones arqueolóxicas que demostraron a existencia dun recinto amurallado, en cuxo interior se localizaron restos de diversas estancias que parecen estar en función da muralla, encostadas ou xustapostas unhas a outras, sen que se evidencie un trazado ortogonal; constatouse a existencia de dous alxibes, o que demostra a carencia de auga nesta zona. Así mesmo, acháronse os restos dun grande edificio de carácter público, e púidose constatar un nivel de enterramento hispano-visigodo.
Ademais, atopáronse numerosos materiais, hoxe depositado no Museo Arqueolóxico Provincial de Málaga. Os resultados das investigacións arqueolóxicas permiten concluír que é un recinto colectivo de marcado carácter militar, cuxa cronoloxía se establecería entre os séculos I a. C. ao século I, podéndose prolongar ata o século II, asentándose a necrópole hispano-visigoda unha vez que as edificacións estaban en desuso.
