Francisco Varela Ouro
| Biografía | |
|---|---|
| Nacemento | 24 de setembro de 1891  Antas de Ulla |
| Morte | 6 de febreiro de 1955 (63 anos) Antas de Ulla |
| Actividade | |
| Ocupación | mestre, xornalista |
| Familia | |
| Fillos | José Antonio Varela Casal |
Francisco Javier Varela Ouro, nado en Antas de Ulla o 24 de setembro de 1891 e finado no mesmo concello o 6 de febreiro de 1955, foi un mestre e xornalista galego.
Traxectoria
[editar | editar a fonte]Estudou no Seminario de Lugo. Fíxose mestre na escola Normal de Pontevedra. Foi mestre de Moreda (Monforte de Lemos) e dende 1929 de Antas de Ulla. Colaborou en Ilustración Gallega e foi colaborador habitual de La Voz de la Verdad. Finou en Antas de Ulla o 6 de febreiro de 1955.[1]
Vida persoal
[editar | editar a fonte]Casou en Pías con María Aurea Casal Fernández o 5 de agosto de 1918,[2] e foi pai de Francisco Javier, María Raquel, María Esther, José Antonio, María Olga e Aurea María Jesús Varela Casal.