Kontrust

Kontrust
Orixe	Viena, Austria
Período	2001 – presente
Xénero(s)	Crossover, Folk metal, New Wave, nu metal, hard rock, rock alternativo
Membros	Agata Jarosz Stefan Lichtenberger Robert Ehgartner Mike Wolff Gregor Kutschera Roman Gaisböck Manuel Haglmüller
Na rede
http://www.kontrust.info

Kontrust é un grupo musical austríaco de crossover orixinario de Viena, contando coa participación da vocalista polaca Agata Jarosz. O grupo formouse no ano 2001, e déronse a coñecer por incorporar o uso de Lederhose nas súas actuacións e vídeos músicais. Os seus temas están escritos en inglés, incorporando en ocasións partes en alemá e linguas eslavas. O seu son mestura diversos xéneros musicais que van dende o nu metal, o folk metal, rap, rock e música electrónica.No ano 2006 gañaron o premio Austrian Newcomer Awards, otuorgado a músicos revelación en Austria.

O seu sinxelo "Bomba" do álbum Time To Tango (2009) estivo durante catro semanas consecutivas na lista de éxitos dos Países Baixos no ano 2010, acadando o posto número 47. Ese mesmo ano foron nomeados na categoría Hard&Heavy dos Amadeus Austrian Music Awards, obtendo o primeiro premio nos mesmos.

No ano 2011 participaron no festival Przystanek Woodstock en Polonia diante dunhas 300 000 persoas, acadando o récord de maior audiencia nun concerto musical dun artista austríaco.

Discografía

• Teamspirit 55, EP (2001)
• Make Me Blind, EP (2003)
• We!come Home (2005)
• Time To Tango (2009)
• Czas To Tango (Reedición en polaco) (2011)
• Second Hand Wonderland (2012)
• Explositive (2014)

Membros

• Agata Jarosz- voz
• Stefan Lichtenberger- voz
• Robert Ehgartner- guitarra
• Mike Wolff- guitarra
• Gregor Kutschera- baixo
• Roman Gaisböck- batería
• Manuel Haglmüller- percusión

Véxase tamén

Ligazóns externas

• Sitio Web Oficial