Kent Benson

Kent Benson
Posición	Pivote
Dorsal	54
Altura	2,08 m (6 ft 10 in)
Peso oficial	107 kg (2235 lb)
Nacemento	27 de decembro de 1954 (69 anos) New Castle, Indiana
Carreira
Universidade	Indiana
NBA Draft	1977 / Rolda: 1 / Elección: 1 Por Milwaukee Bucks
Tempadas	1977–1988
Equipo(s)
Milwaukee Bucks (1977–1980) Detroit Pistons (1980–1986) Utah Jazz (1986–1987) Cleveland Cavaliers (1987–1987)
Estatísticas (NBA)
Puntos	6 168
Rebotes	3 881
Tapóns	586
Stats @ Basketball-Reference.com
Premios
1× Campión NCAA (1976)

Michael Kent Benson, nado o 27 de decembro de 1954 en New Castle, Indiana, é un ex xogador profesional de baloncesto estadounidense que disputou once tempadas na NBA. Con 2,08 metros de altura, xogaba de pivote. Foi escollido no número un do Draft de 1977 por Milwaukee Bucks.

Traxectoria deportiva

Universidade

A súa etapa universitaria pasouna xogando cos Hoosiers de Indiana, equipo que dirixía o mítico Bobby Knight. Alí conseguiu gañar o título da NCAA en 1976, sendo nomeado mellor xogador do torneo, nunha tempada invicta para o seu equipo. En 1976 e 1977 foi incluído no primeiro equipo All-American.

Profesional

Foi elixido na primeira posición do Draft da NBA de 1977 por Milwaukee Bucks, equipo no que xogou durante dúas tempadas e media, e onde non demostrou o ofrecido na súa etapa universitaria. Foi traspasado a Detroit Pistons, onde permaneceu durante seis tempadas, mellorando un pouco os seus números, pero sen chegar ao que se esperaba dun número un do draft. Os seus dous últimos anos como profesional pasounos en Utah Jazz e en Cleveland Cavaliers, onde tan só disputou dous partidos. En once anos de carreira fixo 9,1 puntos e 5,7 rebotes por partido.

Equipos

• Milwaukee Bucks (1977-1980)
• Detroit Pistons (1980-1986)
• Utah Jazz (1986-1987)
• Cleveland Cavaliers (1987-1988)

Véxase tamén

Ligazóns externas

• Perfil histórico de Kent Benson en nba.com
• Estatísticas de Kent Benson Arquivado 09 de maio de 2012 en Wayback Machine.