Julio Galán Gómez
Julio Galán Gómez | |
---|---|
Nacemento | 1908 |
Lugar de nacemento | A Coruña |
Falecemento | 1975 |
Lugar de falecemento | Milán |
Nacionalidade | España |
Ocupación | arquitecto |
Pai | Julio Galán Carvajal |
[ editar datos en Wikidata ] | |
Julio Galán Gómez, nado na Coruña en 1908 e finado en Milán en 1975, foi un arquitecto galego[1].
Traxectoria[editar | editar a fonte]
Fillo do arquitecto asturiano Julio Galán Carvajal, naceu na Coruña cando o seu pai era arquitecto dese concello. Traballaron xuntos durante un breve período de tempo a finais da década de 1930. Julio Galán Gómez residiu en Oviedo, onde tiña o seu estudio, e foi arquitecto municipal de Langreu na década de 1950.
Foi especialmente coñecido pola reconstrución trala Guerra Civil dos edificios das caixas de aforros de España: Oviedo, Áraba,[2] Segovia, Soria, Albacete, Castelló, Ávila, Burgos e León.
En Galicia reconstruíu tamén os edificios das caixas de aforros da Coruña,[3] Lugo e Santiago de Compostela. Salientan ademais varios edificios urbanos en Oviedo, Avilés, Santander ou La Felguera e Sama (Langreu).