Julio Galán Carvajal
| Biografía | |
|---|---|
| Nacemento | 22 de decembro de 1875  Avilés, España |
| Morte | decembro de 1939 (63/64 anos) |
| Datos persoais | |
| País de nacionalidade | España |
| Actividade | |
| Ocupación | arquitecto |
| Lingua | Lingua castelá |
| Familia | |
| Fillos | Julio Galán Gómez |
Julio Galán y González Carvajal, nado en Avilés (Asturias) o 22 de decembro de 1875 e finado en Oviedo en decembro de 1939 foi un arquitecto que realizou a maior parte da súa obra en Galicia e Asturias.
Traxectoria[editar | editar a fonte]
Estudou arquitectura en Madrid onde se graduou en 1900. O seu primeiro traballo foi como arquitecto municipal en Trujillo, pero ao quedar libre a praza de arquitecto provincial da Coruña trala morte de Faustino Domínguez Coumes-Gay gañou a praza en 1901. Tamén foi arquitecto diocesano de Santiago de Compostela. Na Coruña naceu o seu fillo, o tamén arquitecto Julio Galán Gómez.
En 1911 foi nomeado arquitecto municipal de Oviedo, cargo que ocupou ata 1921. Seguiu residindo na cidade de Oviedo ata a súa morte.
En 1991 o Colexio Oficial de Arquitectos de Galicia creou o Premio de Arquitectura Julio Galán Carvajal.[1]
Obra[editar | editar a fonte]
Galán Carvajal é considerado un dos introdutores do modernismo en Galicia, realizando obras como a Casa Rey e o Pazo de Xustiza da Coruña (sede do Tribunal Superior de Xustiza de Galicia). Foi o autor das Casas do Concello de Carballo e Ribeira, derrubadas ambas as dúas na década de 1970. En Asturias deseñou o Círculo Mercantil ou a colonia do Marqués de San Feliz.
Galería[editar | editar a fonte]
-
Casa Rey na avenida da Mariña (A Coruña) -
Casa Viturro na praza de Lugo (A Coruña) -
Edificio na rúa de Juana de Vega (A Coruña) -
Casa Cabanela, na praza de Santo André (A Coruña)
Notas[editar | editar a fonte]
- ↑ COAG, ed. (24 de maio de 1991). "I Premio Julio Galán Carvajal. Acta del jurado" (PDF) (en castelán). Consultado o 1 de novembro de 2014.
Véxase tamén[editar | editar a fonte]
Bibliografía[editar | editar a fonte]
- González Fernández, José David. Dos obras perdidas del arquitecto Julio Galán.
- Martínez Suárez, Xosé Luís; Casabella López, Xan (1989). Catálogo arquitectura. A Coruña 1890-1940. COAG. ISBN 978-84-85665-09-9.
Ligazóns externas[editar | editar a fonte]
- Rubiera, P. (23 de decembro de 2012). La Nueva España, ed. "Dos maestros arquitectos" (en castelán). Consultado o 1 de novembro de 2014.
- Suárez, Salomé (20 de abril de 2008). La Nueva España, ed. "El arte del buen construir" (en castelán). Consultado o 1 de novembro de 2014.
- Turismo Coruña (ed.). "A arquitectura modernista". Consultado o 1 de novembro de 2014.
