Juhani Aho

Juhani Aho

Biografía
Nacemento	11 de setembro de 1861 Lapinlahti, Finlandia
Morte	8 de agosto de 1921 (59 anos) Helsinqui, Finlandia
Causa da morte	Difteria
Residencia	Ahola (en) (1897–1911)
Educación	Universidade de Helsinki Kuopio Lyceum High School (en)
Actividade
Ocupación	xornalista, escritor, novelista
Período de actividade	1883 -
Membro de	Lake Tuusula Artist Community (en)
Movemento	Naturalismo
Influencias	Bjørnstjerne Bjørnson
Familia
Cónxuxe	Venny Soldan-Brofeldt
Parella	Tilly Soldan
Fillos	Heikki Aho  () Venny Soldan-Brofeldt Antti Aho  () Venny Soldan-Brofeldt Björn Soldan  () Tilly Soldan
Descrito pola fonte	Grande Enciclopedia Soviética 1969-1978, (sec:Ахо Юхани) Literary Encyclopedia 1929—1939 (en) , Obálky knih,

Johannes Brofeldt, coñecido como Juhani Aho, nado en Lapinlahti o 11 de setembro de 1861 e finado en Helsinqui o 8 de agosto de 1921, foi un escritor finlandés.

Traxectoria

Escribiu numerosos relatos e novelas. Comezou a escribir en sueco no seus anos de instituto, pero por influencia de Runeberg traduciunos ao finlandés, lingua que adoptará como propia. Durante os seus anos na Universidade estivo moi vencellado ao círculo literario formado arredor da nai de Arvid Järnefelt, que deu orixe ao grupo coñecido como Nuori Suomi (Nova Finlandia).

Obras

• Rautatie (O ferrocaril) foi a primeira novela de Aho, editada en 1884, contando nun estilo realista e humorístico a primeira viaxe en tren dunha parella de vellos campesiños.
• Papin tytär (A filla do crego), 1885, historia da iniciación á vida dunha rapaza nova.
• Helsinkiin (Cara a Helsinqui), 1889, relato nun ton máis realista e comprometido centrado na vida dos estudantes.
• Yksin (So), 1890, que describe o namoramento dun home maduro cunha rapaza nova, a separación e a fuxida ao París que era a capital cultural europea de finais do século XIX.
• Papin rouva (A dona do crego), 1893, continuación de Papin tytär
• Panu, 1897, novela histórica
• Kevät ja takatalvi (Primavera e inverno serodio) 1906, a máis erótica das súas obras
• Juha 1911