José Calavera Ruiz
Biografía | |
---|---|
Nacemento | 23 de outubro de 1931 Melilla, España |
Morte | 25 de agosto de 2023 (91 anos) Madrid, España |
Educación | Escola Técnica Superior de Enxeñaría de Camiños, Canales e Portos de Madrid |
Actividade | |
Ocupación | profesor universitario |
Premios | |
| |
José Calavera Ruiz, nado en Melilla en 1931 e finado en Madrid o 25 de agosto de 2023[1], foi un catedrático e enxeñeiro de Obras Públicas e Camiños español.
Traxectoria
[editar | editar a fonte]Estudou na Escuela de Ingeniería de Obras Públicas de Madrid, sendo primeiro da súa promoción, e na Escuela Técnica Superior de Ingenieros de Caminos, Canales y Puertos de Madrid, da actual Universidade Politécnica de Madrid, na que tamén se doutorou, e que lle outorgou a cátedra de Edificación e Prefabricación. Foi catedrático emérito. Asemade, foi presidente e presidente de honor do Instituto Técnico de Materiales y Construcciones (INTEMAC).
Tamén foi membro da Commission on Prefabrication da Federatión Internationale du Béton (FIB), asesor para Europa do International Council on Tall Buildings, Membro de Honor da Facultade de Enxeñaría da Pontificia Universidade Católica de Chile (1980) e doutor honoris causa da Universidade Politécnica de Valencia (1992).
Deseñou o Teleférico de Fuente Dé e o Monumento al Indiano, ambos en Cantabria, as cubertas do desaparecido pavillón de deportes da antiga cidade deportiva do Real Madrid, da fábrica de cervexas Mahou de Madrid, e do Mercado Nacional de Torrelavega. Ademais deseñou numerosas instalacións industriais, en particular papeleiras, siderúrxicas e de prefabricados.
Tamén ten publicado numerosos libros entre os que destacan os relativos ó cálculo de estruturas e ó formigón armado e formigón pretensado e o cálculo das súas armaduras.
Recoñecementos
[editar | editar a fonte]No 1975 outorgóuselle o Premio da Convención Europea da Construción Metálica Sercometal, no 1990 a Medalla Eduardo Torroja, no 1999 a Medalla da Federation International du Béton (FIB) e no 2000 o Premio Grandes Figuras da Enxeñaría da Asociación Italiana da Prefabricación (CTE).
O 2 de setembro de 2012 foi recoñecido co título de fillo adoptivo de Ribadeo, vila coa que ten fortes lazos familiares, sociais e profesionais.[2]
En 2015 recibiu o Premio Nacional de Enxeñería Civil.[3]
Notas
[editar | editar a fonte]- ↑ Lugo, El Progreso de (2023-08-25). "Fallece José Calavera, hijo adoptivo de Ribadeo". El Progreso de Lugo (en castelán). Consultado o 2023-08-25.
- ↑ Agremon, Publicado por. "A honra de Ribadeo". Consultado o 2023-09-08.
- ↑ "Bandeiras a media asta - Novas. Concello de Ribadeo". ribadeo.gal. Arquivado dende o orixinal o 29 de agosto de 2023. Consultado o 2023-08-29.