José Guirao

Na Galipedia, a Wikipedia en galego.
Saltar ata a navegación Saltar á procura
José Guirao
Ministro José Guirao 01022019 (cropped).jpg
Nome completoJosé Guirao Cabrera
Nacemento1959
 Pulpí
NacionalidadeEspaña
Alma máterUniversidade de Murcia
Ocupaciónxestor cultural e político
editar datos en Wikidata ]

José Guirao Cabrera, nado en Pulpí (Almería) en 1959, é un xestor cultural e experto en arte español, actual ministro de Cultura e Deporte do Goberno de España.

Traxectoria[editar | editar a fonte]

É licenciado en filoloxía hispánica, rama Literatura Española, pola Universidade de Murcia. Foi responsable da área de Cultura da Deputación Provincial de Almería entre 1983 e 1987.

En 1988 marchou a Sevilla, onde ocupou o cargo de director xeral de Bens Culturais na Junta de Andalucía. Ata 1993 desenvolve proxectos de peso, como o Plan Xeral de Bens Culturais de Andalucía, a Lei 1/91 do Patrimonio Histórico de Andalucía, o proxecto do Centro Andaluz de Arte Contemporánea e a creación do Instituto Andaluz do Patrimonio Histórico.

Desde Sevilla pasou a Madrid, onde durante un ano foi director de Belas Artes e Arquivos do Ministerio de Cultura. Foi nomeado en 1994 director do Museo Nacional Centro de Arte Reina Sofía, cuxa colección permanente remodelou. Foi ademais o encargado de licitar a ampliación do museo, proxecto que gañou o arquitecto francés Jean Nouvel.

Desde o 2001 estivo á fronte de La Casa Encendida, espazo social e cultural de referencia en Madrid pertencente á extinta Caja Madrid e, tras a súa transformación en 2013, á Fundación Montemadrid. É entón nomeado director xeral desta Fundación, cuxa actividade se dirixe cara á mellora da calidade de vida e a inclusión de persoas en dificultade social, á vez que se fomenta unha cidadanía participativa cun maior acceso á cultura e á educación, así como a protección do medio ambiente e conservación do patrimonio histórico.

José Guirao é patrón da Fundación Federico García Lorca, da Fundación Antonio Gala e da Fundación Museo do Gravado Español Contemporáneo de Marbella. Ademais, é profesor convidado do máster de Xestión Cultural da Universidade Carlos III de Madrid.

Foi elixido en 2018 para substituír a Màxim Huerta como ministro de Cultura e Deporte no goberno de Pedro Sánchez. Sancionado o seu nomeamento por Filipe VI mediante real decreto do 13 de xuño, prometeu o seu cargo o 14 de xuño de 2018 na Zarzuela.

Véxase tamén[editar | editar a fonte]

Ligazóns externas[editar | editar a fonte]