Jerzy Zabielski

Jerzy Zabielski
	; (1922)
Biografía
Nacemento	28 de marzo de 1897 ; Varsovia, Polonia
Morte	19 de novembro de 1958 (61 anos); Varsovia, Polonia
Lugar de sepultura	Powązki Military Cemetery (en)
Datos persoais
País de nacionalidade	Polonia
Educación	Universidade Iaguelónica de Cracovia
Altura	170 cm
Peso	62 kg
Actividade
Ocupación	oficial , esgrimista
Lingua	Lingua polaca
Carreira militar
Rango militar	tenente coronel
Deporte	esgrima
Participou en
1928	Xogos Olímpicos de 1928
1924	Xogos Olímpicos de 1924
	Premios Silver Cross of Merit (en) ;

Jerzy Feliks Zabielski, nado en Varsovia o 28 de marzo de 1897 e finado na mesma cidade o 19 de novembro de 1958, foi un militar e tirador de esgrima polaco, gañador dunha medalla olímpica.

Traxectoria[editar | editar a fonte]

Comezou a estudar dereito, e durante eses anos foi un dos pioneiros da esgrima polaca, foi un dos fundadores do Club de Esgrima de Varsovia (1916). Sen rematar a carreira tras o recoñecemento da independencia polaca decidiu entrar no exército a finais de 1918, e ao ano seguinte tiña o rango de subtenente e foi promovido a tenente en 1922. Mentres permanecía no exército retomou os seus estudos de dereito na Universidade Iaguelónica de Cracovia e deu clases de esgrima no Club Militar Deportivo mais tamén foi dos reorganizadores da sección de esgrima do AZS de Varsovia en 1921 e da Asociación Polaca de Esgrima en 1922. Partipou nos Xogos Olímpicos de 1924 en sabre por equipos sen chegar á final pero nos Xogos Olímpicos de 1928 na mesma proba logrou a medalla de bronce xunto cos seus compañeiros Tadeusz Friedrich, Kazimierz Laskowski, Aleksander Małecki, Adam Papée e Władysław Segda. No Campionato de Europa de 1930 levou a medalla de bronce en sabre por equipos e nos Campionatos Académicos do Mundo conseguiu a medalla de prata en sabre por equipos e en florete. En 1932 pasou ao Corpo de Oficiais de intendencia traballando no Cuartel Xeral en Varsovia. Ascendeu a capitán en 1935, participou na defensa de Polonia e tras a capitulación uniuse ao exército leal ao goberno no exilio, destinado no Cuartel Xeral da III División, acadando o grao de maior. Despois da segunda guerra mundial permaneceu no Reino Unido, volveu a Polonia en 1958 pouco antes de morrer.

Véxase tamén[editar | editar a fonte]

Bibliografía[editar | editar a fonte]

Ryszard Wryk, Sport olimpijski w Polsce 1919-1939, Poznań 2006, ISBN 83-7177-278-5

Ligazóns externas[editar | editar a fonte]

Perfil na web do Comité Olímpico Polaco (en polaco)