Jean Richafort

Jean Richafort
Biografía
Nacemento	1480 (Gregoriano) ; Condado de Hainaut
Morte	1547 (Gregoriano) (66/67 anos); Bruxas
Actividade
Ocupación	compositor
Xénero artístico	Música renacentista e música clásica
Profesores	Josquin des Prés

Jean Richafort, nado arredor de 1480 e finado arredor de 1547, foi un compositor dos Países Baixos borgoñóns da época do Renacemento, pertencente ás escola francoflamenga.^[1]

Traxectoria[editar | editar a fonte]

Crese que Jean Richafort puido ter nacido en Hainaut, nos Países Baixos, e con máis seguridade sostense que faleceu na cidade de Bruxas. Semella que a súa lingua materna foi o francés.

Segundo Pierre de Ronsard, Richafort estudou con Josquin des Prés, para quen compuxo un requiem en 1532.

Foi mestre de capela da catedral de Saint-Rombaut, en Malines, entre os anos 1507 e 1509, e seguidamente na igrexa de Saint-Gilles, en Bruxas, entre 1542 e 1547, aínda que non se coñece exactamente o que fixo nese intermedio. Parece que traballou para a capela real de Francia durante algún tempo, xa que algunhas das súas composicións están destinadas a cerimonias relacionadas con Lois XII.

Algunhas evidencias suxiren que estivo en Bruxelas en 1531, quizais ao servizo de María de Hungría, daquela gobernadora dos Países Baixos españois.

Discografía[editar | editar a fonte]

Christus resurgens, motete (coa misa de Adrian Willaert baseada nel), CD Naxos 8.553211.
Requiem [in memoriam Josquin Desprez], interpretado por The Huelgas Ensemble, CD Harmonia Mundi HMC 901874.
Missa Pro Defunctis, interpretada por Cinquecento, CD Hyperion CDA67959.
Requiem. Na memoria de Josquin Després, interpretado por The King's Singers, CD Signum SIG 326.