Jean Philippe
  | |
| Biografía | |
|---|---|
| Nacemento | 1931 Francia |
| Morte | 7 de xaneiro de 2022 (90/91 anos) Quebec, Canadá |
| Outros nomes | Jean Philippe |
| Actividade | |
| Ocupación | cantante, artista discográfico |
| Membro de | |
| Xénero artístico | Chanson |
| Instrumento | Voz |
| Participou en | |
| 18 de marzo de 1962 | Festival de Eurovisión 1962 |
| 11 de marzo de 1959 | Festival de Eurovisión 1959 |
         | |
Jean Philippe Gargantiel, nado en 1931[1] e falecido o 7 de xaneiro de 2022, foi un cantante francés que representou a Francia no Festival de Eurovisión 1959 e a Suíza no Festival de 1962.[2]
Eurovisión 1959
[editar | editar a fonte]O Festival de Eurovisión 1959 tivo lugar en Cannes, Francia, xa que o ano anterior o francés André Claveau gañou o certame en Hilversum, Países Baixos.[2] Baixo o nome de Grand Prix de la chanson Européenne, o Festival de Eurovisión 1959 celebrouse no Palacio de Festivais e Congresos de Cannes o 11 de marzo de 1959. Jean Philippe foi o encargado de representar ao seu país coa canción Oui, oui, oui, oui, que finalmente quedou en terceira posición obtendo 15 votos. A canción tería gran difusión uns anos despois grazas á versión de Sacha Distel.
Unha particularidade dese ano foi que as tres cancións clasificadas nas primeiras posicións volveron ser representadas ao final do Festival, polo que Jean Philippe tivo que actuar de novo.
Eurovisión 1962
[editar | editar a fonte]No ano 1962, Jean Philippe volveu a participar no Festival de Eurovisión. Ese ano representou a Suíza coa canción Le Retour. Quedou clasificado en décima posición con só dous puntos outorgados polo xurado alemán. Nesta ocasión o país gañador foi a súa Francia natal.
Notas
[editar | editar a fonte]- ↑ Jean Philippe en eurovision-spain.com
- ↑ 2,0 2,1 Simon Barclay. The Complete and Independent Guide to the Eurovision Song Contest, 2010.
Véxase tamén
[editar | editar a fonte]Ligazóns externas
[editar | editar a fonte]- Actuación de Jean Philippe no Festival de Eurovisión 1959 - Oui, oui, oui, oui
- Actuación de Jean Philippe no Festival de Eurovisión 1962 - Le retour
| Predecesor: André Claveau con "Dors, mon amour" |
.svg) Francia no Festival de Eurovisión 1959 |
Sucesor: Jacqueline Boyer con "Tom Pillibi" |
| Predecesor: Franca Di Rienzo con "Nous aurons demain" |
 Suíza no Festival de Eurovisión 1962 |
Sucesor: Esther Ofarim con "T'en va pas" |
