Jean Laplace

Na Galipedia, a Wikipedia en galego.
Saltar ata a navegación Saltar á procura
Laplace
Laplace logo.png
Nome completoJean Laplace
Nacemento1934
 Annecy, Alta Savoia, Flag of France.svg Francia
Falecemento10 de setembro de 2018 (84 anos)
 Annecy, Alta Savoia, Flag of France.svg Francia
NacionalidadeFrancia
OcupaciónDebuxante
Coñecido porjeu des huit erreurs
editar datos en Wikidata ]

Jean Laplace, nado en Annecy, Francia en 1934 e finado no mesmo lugar o 10 de setembro de 2018,[1] foi un debuxante francés.

Traxectoria[editar | editar a fonte]

Fillo dunha comerciante e dun funcionario,[2] formouse como deseñador industrial pero dedicouse á ilustración, afección que cultivou dende neno.[3] Publicou o seu primeiro debuxo humorístico en Le Progrès de Lyon en 1952[2] e axiña empezou a colaborar en Paris Match, Ici Paris e Samedi Soir.[4] Adaptou as súas ilustracións humorísticas converténdoas en crebacabezas ó crear o "jeu des huit erreurs" (o "xogo dos oito enganos" en galego), inspirado nos xogos tradicionais de 7 diferenzas consistentes en detectar pequenas variacións entre dúas imaxes.[5] O xornal suízo Feuille d'avis de Lausanne foi o primeiro en publicar o seu xogo en 1966,[2] os seus debuxos apareceron cos anos en varios periódicos e revistas franceses e mais en publicacións de todo o mundo.[5] La Voz de Galicia comezou a publicar o seu pasatempo en 1977.[6] Fixo cerca de 19 000 láminas diferentes ó longo da súa carreira.[3]

“A vida é un debuxo con tantos erros,
que, como o boneco no papel,
debemos librarnos do engano con moito enxeño.”

Joan Brossa: Sextina a Laplace[7][8]

Obra[editar | editar a fonte]

Recompilación dos seus gags[editar | editar a fonte]

Sauf erreur (2017, Les Cahiers dessinés).[5][9]

Notas[editar | editar a fonte]

  1. "Adiós a Laplace, el genio de 'los ocho errores'". Heraldo de Aragón (en castelán). 25-09-2018. Consultado o 14-04-2019. 
  2. 2,0 2,1 2,2 Caballero, Óscar (13-09-2018). "Desconocido y a la vez tan famoso". La Vanguardia (en castelán). Consultado o 15-04-2019. 
  3. 3,0 3,1 Pallas, Beatriz (02-10-2017). "Jean Laplace: «Busco inspiración para os meus gags pola rúa ou vendo a televisión»". La Voz de Galicia. Consultado o 14-04-2019. 
  4. "Jean Laplace". Les Cahiers dessinés (en francés). Consultado o 15-04-2019. 
  5. 5,0 5,1 5,2 "Muere Jean Laplace, el mítico dibujante de los ocho errores". La Vanguardia (en castelán). 13-09-2018. Consultado o 14-04-2019. 
  6. "Morre Jean Laplace, o debuxante dos oito erros". La Voz de Galicia. 13-09-2018. Consultado o 14-04-2019. 
  7. "Joan Brossa dedica un poema al autor del pasatiempo “Los 8 errores”" (pdf). La Vanguardia (en castelán). 04-10-1987. Consultado o 14-04-2019. 
  8. Pallas, Beatriz (14-09-2018). "Morre o xenio de «os oito erros»". La Voz de Galicia. Consultado o 14-04-2019. 
  9. "Sauf erreur - Jean Laplace". Les Cahiers dessinés (en francés). 2017. Consultado o 15-04-2019. 

Véxase tamén[editar | editar a fonte]