Jane Colden

Jane Colden

Biografía
Nacemento	27 de marzo de 1724 Nova York, Estados Unidos de América
Morte	10 de marzo de 1766 (41 anos) Nova York, Estados Unidos de América
Causa da morte	trastorno puerperal
Residencia	Estados Unidos de América
Actividade
Ocupación	botánica
Obra
Abreviación dun autor en botánica	Colden
Familia
Pais	Cadwallader Colden   e Alice Colden
Descrito pola fonte	Forgotten Women: The Scientists (en) , (p.53-55)

Jane Colden, nada o 27 de marzo de 1724 en Coldenghan (Nova York) e finada o 10 de marzo de 1766, foi unha botánica norteamericana.

Traxectoria

Foi a segunda de dez irmáns fillos dun médico escocés que tamén se adicou á política. Tras recibir unha educación esmerada da man da súa nai e logo do su pai, chegou a ser un dos botánicos máis famosos da época. Estudou a clasificación de Linneo, que o seu pai traducira do latín ó inglés, e descubriu e clasificou gran número de plantas de Nova Inglaterra, particularmente do val do río Hudson. Fíxoo de xeito autónomo, pois embarcarse soa nunha expedición con homes non estaba ó alcance das mulleres naquel entón, se ben parece evidente que tivo enxeño para obter a colaboración doutras persoas, amigos e coñecidos. Mantivo correspondencia con botánicos como John e William Bartram nas colonias americanas, e Alexander Garden, John Ellis, e outros, en Inglaterra, o que lle permitiu estar ó tanto da actualidade no campo da botánica. Detallou un catálogo ('Botanic Manuscript') con máis de 400 especies de plantas locais que se conserva na actualidade na British Library, e descubriu a gardenia e un tipo de rubideira, aínda que non se lle atribúen normalmente ó seren tamén descubertas de xeito independente por homes nas mesmas datas. Casou ós 35 anos cun médico, Willian Farquhar, e parece ter abandonado a botánica a partir de entón. Morreu tras dar a luz a un pequeno que tamén morreu.

O seu traballo foi eloxiado por Alexander Garden como 'extremamente preciso'.

Véxase tamén

Bibliografía

• Tsjeng, Zing (2020). Mujeres olvidadas : las científicas. Madrid: Ed. Oberon. ISBN 978-84-415-4214-3,

Outros artigos

• A ciencia ten nome de muller (en Wikibooks)

Ligazóns externas

• Cuando la botánica se decía femenina no blog Mujeres con ciencia