J.J. Santos
J.J. Santos | |
---|---|
Nome completo | José Javier Santos Rubio |
Nacemento | 29 de xullo de 1960 |
Lugar de nacemento | Madrid |
Nacionalidade | España |
Etnia | Raça Mediterrânea |
Alma máter | Facultad de Medicina (Universidad Complutense de Madrid) e Facultade de Ciencias da Información |
Ocupación | xornalista, presentador de televisión, locutor, presentador de novas, empresario de medios, realizador de rádio, Tertuliano radiotelevisivo, comentarista deportivo e escritor |
Fillos | Raúl e Sergio |
Premios | 1987 Antena de Oro |
Na rede | |
[ editar datos en Wikidata ] | |
José Javier Santos Rubio, tamén coñecido como J. J. Santos, nado en Madrid o 29 de xullo de 1960, é un xornalista deportivo español. É, dende 2006, o subdirector de informativos para a área de deportes da cadea de televisión Telecinco, onde exerce tamén como narrador de partidos e presentador da sección de deportes do respectivo telexornal.[1]
Traxectoria[editar | editar a fonte]
Este artigo (ou sección) está desactualizado(a). A información fornecida mudou ou é insuficiente desde a última vez que se editou, que foi en febreiro de 2017. |
Os seus inicios profesionais remóntanse a 1978, cando se incorpora a Radio España de Madrid. Durante anos, dirixiu o espazo El Deportivo nas madrugadas da emisora até fichar en 1991 por Onda Cero, onde se fai cargo de El Penalti. En Telecinco conduciu o espazo deportivo Futbolísimo en 1991 xunto a Andrés Aberasturi.[2]
En 1987 recibiu a Antena de Ouro.
En 1994, o entón director de informativos da cadea, Luís Mariñas, decide incorporalo á sección deportiva do informativo que conducía José Ribagorda. Ademais narrou o Giro de Italia.
En 1997 produciuse a súa fichaxe, xunto coa de Ribagorda, por Televisión española, e durante os seguintes tres anos fíxose cargo da sección de deportes no Telediario.
Pasa nese momento, no ano 2000, a centrar a súa actividade no diario As.
Posteriormente, en 2002, marchou a Antena 3 como presentador da sección deportiva na segunda edición do informativo Antena 3 Noticias, xunto con Matías Prats, ademais de asumir a dirección de deportes da cadea.
Coincidindo co seu paso por Antena 3, e entre 2004 e 2006, conduciu o espazo deportivo Al primer toque na emisora Onda Cero, labor no que substituíu a Manu Carreño.
Finalmente, en 2006 Pedro Piqueras faise coas rendas das noticias en Telecinco e Jota Santos de novo conduce a sección de deportes dos Informativos de Telecinco, tras o abandono de Juan Antonio Villanueva.
Con Telecinco en 2010 retransmitiu algúns partidos do Mundial de Suráfrica.[3]
Notas[editar | editar a fonte]
- ↑ "JJ Santos ficha por Telecinco". vertele (en castelán). 31 de agosto de 2006.
- ↑ Caminal, Jordi Batlle (13 de agosto de 1991). "Futbolísimo". El País (en castelán). ISSN 1134-6582. Consultado o 5 de marzo de 2021.
- ↑ "Entrevista - Memorias de Sudáfrica 2010 con J.J. Santos: "Fue el Mundial perfecto, imposible sacarle más partido en TV"". vertele (en castelán). 10 de xullo de 2020.