Irmandinhos A Estrada

Irmandinhos A Estrada
Irmandinhos A Estrada
Nome	Irmandinhos A Estrada Fútbol Gaélico.
Alcume(s)	Irmandinhos
Fundación	Setembro de 2012
Estadio	Campo da Figueroa
Capacidade	500 espectadores
Presidente	Ramón Codesido
Adestrador	Sito Magariños
Liga	Liga Galega de Fútbol Gaélico
2017	1º e 4º
Vestimenta	O'Neills
Patrocinador	Valenciaga Gastro, Reale Seguros, Xeos da Ulla, Clara Torres e Calpep Bebé
Na rede
	http://www.irmandinhosgaa.tk/

O Irmandinhos A Estrada é un club de fútbol gaélico galego, da vila de Estrada. Foi fundado en 2012 e xoga na Liga Galega de Fútbol Gaélico. É o primeiro equipo fundado na provincia de Pontevedra.

Historia

Irmandinhos A Estrada Fútbol Gaélico naceu logo do verán de 2012. Dende aquela, o seu crecemento foi espectacular, non só no seu cadro masculino, senón que tamén foi o segundo club galego en dispor de sección feminina. Os Irmandinhos estreáronse no Campionato Ibérico de Fútbol Gaélico no Torneo da Coruña de 2013. As Irmandinhas tiveron a súa estrea oficial no derradeiro torneo dese mesmo ano no Torneo de Madrid do mes de xuño.

Na competición galega, como A Coruña Fillos de Breogán, Irmandinhos presentou dous conxuntos. O equipo máis forte foi denominado como Bráithreachas (que significa irmandade en gaélico irlandés). Estes dous equipos participaron na primeira Liga Galega de Fútbol Gaélico 7 contra 7 desenvolta no primeiro semestre do ano 2013. Con todo, Bráithreachas aínda non participou en torneos do Campionato Ibérico. Os Irmandinhos adestra e xoga no Campo de Callobre e no Campo da Figueroa.

O 9 de marzo de 2013 xunto cos equipos A Coruña Fillos de Breogán e Mecos FG Ogrobe constitúen a Asociación Galega de Fútbol Gaélico.

O 22 de xuño de 2013 os Irmandinhos remataron a primeira tempada da súa historia cun 5º posto na Liga Galega de Fútbol Gaélico 7 contra 7 pero o seu equipo irmán os Bráithreachas proclamáronse campións.