Insectívoros
- Para o artigo que trata sobre calquera animal predador de insectos ou as súas larvas, véxase Insectívoro.
| Insectívoros Insectivora | |||||||||||||||
|---|---|---|---|---|---|---|---|---|---|---|---|---|---|---|---|
 Erinaceus europaeus | |||||||||||||||
| Clasificación científica | |||||||||||||||
| |||||||||||||||
| Ordes en que se clasifican os animais antigamente situados na orde dos Insectivora, e Familias que, nun momento ou outro, foran incluídas nesa orde | |||||||||||||||
|
| |||||||||||||||
A dos insectívoros (Insectivora) é unha antiga orde de mamíferos placentarios, hoxe en desuso.
Entre os insectívoros clasificábanse diversos placentarios primitivos que non podían encaixar noutras ordes. A orde Insectivora era, pois, máis unha conveniencia que un grupo natural, poque era claramente polifilético.[1]
Os caracteres que definían o grupo son claramente plesiomórficos, é dicir, trazos primitivos comúns ao tronco ancestral mamaliano, como o seu pequeno tamaño, pés plantígrados, hábitos nocturnos, dentición completa e, alimentación baseada na captura de insectos e doutros pequenos invertebrados.
Reordenación taxonomómica
[editar | editar a fonte]Actualmente, a orde Insectivora non é recoñecida polas principais bases de datos para a taxonomía dos annimais, como a Animal Diversity Web (ADW),[2] o Sistema Integrado de Información Taxonómica (SIIT),[3], ou a principal obra de referencia, a Mammal Species of the World,[4], que emprazan a todas as familias antigamente consideradas como de insectívoros nas novas ordes dos Afrosoricida, Erinaceomorpha, Macroscelidea e Soricomorpha.
Así temos que:
- Os Chrysochloridae (toupas douradas), forman parte da orde dos Afrosoricida.
- Os Erinaceidae (ourizos cachos e ximnuros ou ratas lunares), forman a orde dos Erinaceomorpha.
- Os Macroscelididae (musarañas elefante), forman a orde dos Macroscelidea.
- Os Ptilocercidae (dúas especies de tupaia ou musarañas arborícolas), forman poarte da orde dos Scandentia.
- Os Soricidae (musarañas), os Talpidae (toupas e desmáns) e os Solenodontidae (almiquís), forman a orde dos Soricomorpha.
- Os Tenrecidae (tenrecs malgaxes e musarañas-londra africanas) forman parte da orde dos Afrosoricida.
- Os Tupaiidae (tupaias ou musarañas arborícolas) forman parte da orde dos Scandentia.
Notas
[editar | editar a fonte]Véxase tamén
[editar | editar a fonte] |
Wikimedia Commons ten máis contidos multimedia na categoría: Insectívoros  |
 |
Wikispecies posúe unha páxina sobre: Insectívoros |
Bibliografía
[editar | editar a fonte]- McKenna, M. C. & Bell, S. K. (1997): Classification of Mammals: Above the Species Level. Nova York: Columbia University Press. ISBN 0-231-11013-8.
- Martin, Robert D. (1984) en: Macdonald, D., ed. The Encyclopedia of Mammals. Nova York: Facts on File. ISBN 0-87196-871-1, pp. 126–127.
- Wilson, D. E. & D. M. Reeder, editors (2005): Mammal Species of the World. A Taxonomic and Geographic Reference. Third edition. Baltimore, Maryland, USA: The Johns Hopkins University Press. ISBN 0-8018-8221-4.
