Illas Anzhu

Localización das Illas de Nova Siberia en Rusia.

Localización das illas Anzhu.

Mapa do arquipélago de Nova Siberia.

As illas Anzhu (en ruso, острова Анжу) son un grupo de illas localizadas no Ártico Siberiano, un subgrupo do arquipélago das illas de Nova Siberia. Este grupo de illas é un territorio practicamente deshabitado.

Administrativamente, as illas pertencen á República de Sakha (Yakutia) da Federación Rusa.

Xeografía

As illas están situadas entre o mar de Laptev e o mar de Siberia Oriental, na zona ártica de Rusia. A superficie total das illas é de aproximadamente uns 29.000 km².

As principais illas do grupo de Anzhu son (de oeste a leste):

• Illa Kotelni (Котельный), o conxunto formado polas illas Kotelny, Terra Bunge e Faddeyevsky, que con 23.165 km².
• Terra Bunge (Земля Бунге)
• Illa Faddeyevsky (Фаддеевский)
• Illa de Nova Siberia, con 6.201 km², a 9ª illa de Rusia.
• Illa de Belkov, de 535 km².

Historia

As illas Anzhu levan o seu nome en honra do oficial naval e explorador ruso Pyotr Anzhu, que no transcurso dunha expedición ás costas siberianas dirixida por Ferdinand von Wrangel (1820-24) realizou o primeiro mapa das illas.