Igrexa de Santo André de Aguilar de Campos
| Igrexa de Santo André | |
|---|---|
 Igrexa de Santo André | |
| Datos xerais | |
| País |  España |
| Rexión | Castela e León |
| Tipo | Parroquia |
| Advocación | Santo André |
| Localización | Aguilar de Campos |
| Coordenadas | 41°59′06″N 5°10′46″O / 41.985, -5.1794444444444Coordenadas: 41°59′06″N 5°10′46″O / 41.985, -5.1794444444444 |
| Catalogación | Ben de Interese Cultural dende o 5/10/1979 |
| Culto | |
| Culto | Igrexa Católica |
| Diocese | Valladolid |
| Arquitectura | |
| Construción | Século XIV |
| Arquitectos | Fadrique Enríquez |
| Estilo | Mudéxar |
| Identificador | RI-51-0004380 |
| [ editar datos en Wikidata ] | |
A igrexa de Santo André é un templo católico que se atopa na localidade de Aguilar de Campos (provincia de Valladolid).
Descrición[editar | editar a fonte]
De estilo gótico mudéxar, foi construído en pedra de cachotaría e ladrillo a mediados do século XIV por Fadrique Enríquez, almirante de Castela e conde de Benavente,[1] cuxo escudo adorna o capitel dos piares dun antigo pórtico que enmarcan a porta do templo.[2]
A planta consta de tres naves separadas por piares cruciformes que soportan arcos apuntados.[2]
Unha bóveda de cruceiro cobre a cabeceira poligonal, outra de canón con lunetos a nave central mentres que bóvedas de aresta fan o propio coas naves laterais, cuxos albeiros descansan sobre modillóns decorados de estilo románico.[1]
O presbiterio conta cun retablo maior de estilo neoclásico. O altar data de 1820 e foi costeado polo arcebispo de Burgos Manuel Cid Monroy.[2]
Características[editar | editar a fonte]
A igrexa parroquial de Santo André é un edificio gótico mudéxar de mediados do século XIV. Está realizada con pedra de cachotaría e ladrillo sobre unha planta de tres naves separadas por piares cruciformes que soportan arcos apuntados. A porta principal está escoltada por dous piares dun antigo pórtico. Os seus capiteis mostran escudos dos Enríquez, fundadores do templo. Comezando polo presbiterio, o retablo maior é unha obra neoclásica, ó igual que dúas esculturas que mostran e que representan o Pai Eterno e Santo André, a quen está consagrado o templo. A decoración do altar se complementa con dous escudos e dúas pinturas. Foi costeado en 1820 por Manuel Cid Monroy, arcebispo de Burgos. O chan do presbiterio acolle varias lápidas sepulcrais. A pila bautismal, po-la súa parte, está decorada a base de flores de lis en relevo. O rolo é dos mais interesantes da provincia. Tratase dunha obra gótica, de finais do século XV e ornamentado, con varias bolas de pedra.
Notas[editar | editar a fonte]
- ↑ 1,0 1,1 "Aguilar de Campos". Arquivado dende o orixinal o 06 de outubro de 2014. Consultado o 03 de outubro de 2014.
- ↑ 2,0 2,1 2,2 "Igrexa de San Andrés e rollo gótico-mudéxar de Aguilar de Campos (Valladolid)". Arquivado dende o orixinal o 06 de outubro de 2014. Consultado o 03 de outubro de 2014.
