Guayabera

Na Galipedia, a Wikipedia en galego.
Saltar ata a navegación Saltar á busca
Guayaberas nunha voda.

As guayaberas son pezas de vestir masculinas que cobren a parte superior do corpo, xa sexa con mangas curtas ou longas, adornadas con alforzas verticais, e ás veces, con bordados, e que levan petos no peito e nos faldróns. Fabrícanse en tecidos de algodón, liño, seda ou en telas sintéticas.

As guayaberas finas constitúen unha vestimenta de etiqueta nos países tropicais. Adoitan ser levadas en cerimonias solemnes. Tamén se coñece a estas pezas noutros de países hispanoamericanos como "Chacabanas" "Camisa" ou "Guayabana".

As guayaberas son moi populares e empregadas en Cuba, República Dominicana, Porto Rico, México, Panamá, Venezuela, na rexión Caribe de Colombia, na costa ecuatoriana, nas Illas Canarias, as Filipinas e outros países de Centroamérica.

Véxase tamén[editar | editar a fonte]