Gonzalo Lorenzo Codesido

Na Galipedia, a Wikipedia en galego.
Saltar ata a navegación Saltar á procura
Gonzalo Lorenzo Codesido
 Pontevedra
NacionalidadeEspaña
Ocupaciónfutbolista
IrmánsO'Donell Lorenzo Codesido e Edelmiro Lorenzo Codesido
editar datos en Wikidata ]

Gonzalo Lorenzo Codesido, nado en Pontevedra foi un futbolista galego que xogaba na demarcación de dianteiro. Era irmán dos tamén futbolistas Edelmiro e O'Donell Lorenzo Codesido e tío do tamén xogador do Celta Telesforo Lorenzo Gama.

Traxectoria[editar | editar a fonte]

Comezou a xogar en Pontevedra, no Eiriña CF, ao igual que os seus dous irmáns. Xunto a eles emigrou pouco despois a Cuba para xogar no Iberia da capital cubana, equipo co que gañou o campionato nacional.

A súa volta a Galiza volveu xogar no Eiriña, ata o verán de 1933 cando ficha polo Celta de Vigo, por aquel entón baixo a dirección de José María Peña.

Xa na primeira tempada tivo un papel moi importante no equipo, que se proclama campión do Campionato Galego e se clasifica para a promoción de ascenso a Primeira División, ese ano anotaría un total de 24 goles en 34 encontros, entre eles cinco tantos ao Deportivo Alavés no campionato de Segunda División.

Na tempada 1935/36 o equipo acada o ascenso a Primeira División tras proclamarse campión da categoría, sendo Gonzalito un dos xogadores máis utilizados. Porén non chegou a debutar na máxima categoría, xa que a Guerra Civil paralizou a competición oficial, polo que esa foi a última tempada de Gonzalo no Celta, tras 86 encontros e 50 goles.

Unha situación moi curiosa foi cando tras rematar a tempada 1933/34 da Segunda División o Celta afrontou a Copa de España, na segunda eliminatoria desta competición Gonzalo enfrontouse aos seus dous irmáns Edelmiro e O'Donell, que por aquel entón xogaban no RCD Espanyol.

Véxase tamén[editar | editar a fonte]

Ligazóns externas[editar | editar a fonte]

Biografía en yojugueenelcelta.com