Gema Buitrón
Biografía | |
---|---|
Nacemento | 19 de xullo de 1989 (34 anos) As Pontes de García Rodríguez, España |
Datos persoais | |
País de nacionalidade | España |
Actividade | |
Lingua | Lingua castelá |
Gema Buitrón Cortiñas, nada nas Pontes o 19 de xullo de 1989, é unha arqueira galega. A súa especialidade é o arco recurvo.
Traxectoria[editar | editar a fonte]
Comezou a practicar o tiro na súa vila natal, As Pontes, baixo a disciplina do Sílex, club no que milita aínda na actualidade. En 2002, na súa primeira participación, consegue o campionato de Galicia da súa categoría, que iría revalidando ano a ano, en todas as categorías polas que pasou, ata conseguir o campionato galego absoluto en 2006.
En 2007 participa por primeira vez nun campionato do mundo absoluto de tiro con arco, en Leipzig. Nese verán trasládase a Madrid para comezar a adestrar no centro de alto rendemento deportivo Joaquín Blume. En 2008 queda campioa de España de categoría universitaria e campioa de España absoluta por equipos, a canda as outras arqueiras galegas Iria Grandal e Margarita Beltrán. Nese ano tamén acada o bronce no campionato do mundo de categoría universitaria (parellas mixtas).
En febreiro de 2009 consegue en Alacant o seu primeiro campionato de España de tiro con arco na categoría individual absoluta (pista cuberta), así como a medalla de bronce por equipos. Nos campionatos de España ao aire libre, celebrados en Zaragoza repite a medalla de ouro[1] así como a prata por equipos coa selección galega. Nese mesmo ano, nos mundiais de pista cuberta de 2009 celebrados en Rzeszow (Polonia) cae en dezaseisavos de final en categoría individual e en cuartos por equipos. Nos mundiais ao aire libre, celebrados en Ulsan (Corea do Sur), cae en trintaedousavos de final.
Vida persoal[editar | editar a fonte]
Estudante de Publicidade, participou como actriz na rodaxe dun spot para unha campaña internacional da Wii Sports[2].
Notas[editar | editar a fonte]
- ↑ Resultados do LX Cto. España absoluto Arquivado 23 de agosto de 2009 en Wayback Machine., Federación Española de Tiro con arco, .pdf consultado o 23.9.2009
- ↑ La arquera de As Pontes Gema Buitrón protagoniza la campaña publicitaria de «Wii Sports», La Voz de Galicia, 21.9.2009, consultado o 23.9.2009