Gavrilo Princip

Na Galipedia, a Wikipedia en galego.
Gavrilo Princip
Gavrilo Princip in his prison cell at the Terezín fortress, 1914 (27324412597).jpg
Nacemento25 de xullo de 1894 e 13 de xullo de 1894
Lugar de nacementoObljaj
Falecemento28 de abril de 1918
Lugar de falecementoTheresienstadt Small Fortress
Causatuberculose
SoterradoVidovdan Heroes chapel
NacionalidadeImperio Austrohúngaro
RelixiónIgrexa ortodoxa serbia
Alma máterFirst Belgrade Gymnasium
Ocupaciónrevolucionario
Na rede
IMDB: nm1532728 WikiTree: Princip-1 Find a Grave: 6758252 Editar o valor em Wikidata
Гаврилин потпис.svg
editar datos en Wikidata ]
Gavrilo Princip en Theresienstadt.

Gavrilo Princip (o seu apelido é ás veces transcrito Prinzip e Printsip), nado en Obljaj (Bosnia e Hercegovina) o 25 de xullo de 1894 e finado en Terezin o 28 de abril de 1918, foi un nacionalista serbio, coñecido por asasinar en 1914 o arquiduque Francisco Fernando de Austria.

Traxectoria[editar | editar a fonte]

Membro da sociedade Xove Bosnia (Mlada Bosnia) desde 1912, asasinou o 28 de xuño de 1914 o arquiduque Francisco Fernando de Austria, herdeiro do trono austro-húngaro, e a súa esposa a duquesa de Hohenberg, de solteira condesa Sophie Chotek.

A Bosnia Moza propugnaba a unión dese país con Serbia, pois por entón aínda formaba parte do Imperio austro-húngaro. O atentado contou coa participación, ademais da de Princip, coa doutros cinco compañeiros. O grupo estaba armado con pistolas e bombas, fornecidas pola sociedade secreta Man Negra (Crna Ruka), que contaba con simpatizantes da oficialidade serbia e mesmo a austríaca. O obxectivo da Man Negra era modificar o xa vello imperio dual austro-húngaro ampliándoo nun imperio trilateral servo-austríaco-húngaro. A arma que usou Princip foi unha pistola semiautomática Browning M 1910, do calibre 7,65 mm. Só dous dos perpretantes do atentado foron detidos pola policía, Gavrilo e máis o seu amigo Nedeljko Čabrinović. O resto dos secuaces non puideron entrar en acción e refugaron darse a coñecer.

Este sucedido, no contexto tenso da época, tivo repercusións que conduciran ao estoupido da primeira guerra mundial.

Princip morreu, oficialmente, de tuberculose durante o seu encarceramento, mais probabelmente fose máis ben a causa da fame e do frío provocados pola actitude dos oficiais austríacos que o custodiaban.

Princip foi escollido entre os conxurados para disparar sobre o arquiduque, aínda que tamén é certo que a súa xove idade podía evitarlle as peores consecuencias en caso de ser detido; de xeito que a data do seu nacemento non era un feito secundario.

Princip morreu na fortaleza de Theresienstadt, hoxe en día denominada Terezin, na República Checa, que sería posteriormente utilizada como campo de concentración durante a segunda guerra mundial.