Gabriel Deck

Gabriel Deck

Biografía
Nacemento	8 de febreiro de 1995 (31 anos) Añatuya
Altura	201 cm
Peso	102
Actividade
Ocupación	baloncestista
Período de actividade	2010 -
Nacionalidade deportiva	Arxentina
Deporte	baloncesto
Posición de xogo	Ala
Traxectoria   Equipo – Real Madrid Baloncesto   Selección nacional –   Arxentina
Participou en
2021	Basquetebol nos Jogos Olímpicos de Verão de 2020 - Masculino (pt) (7º)
11 de agosto de 2019	Xogos Panamericanos de 2019
2019	Campionato do Mundo de Baloncesto de 2019
2017	Copa FIBA Américas de 2017
2016	Basquetebol nos Jogos Olímpicos de Verão de 2016 – Torneio masculino (pt) (8º)
2015	Copa América de Basquetebol Masculino de 2015 (pt)

Gabriel Alejandro Deck, nado o 8 de febreiro de 1995 en Añatuya, Santiago del Estero, é un xogador arxentino de baloncesto profesional. Xoga de ala no Real Madrid da Liga ACB. Formou parte de diversos equipos da selección arxentina en categorías formativas.

Traxectoria profesional

Debutou na liga Nacional de Básquet vestindo á camiseta de Quimsa o 15 de xaneiro de 2010, enfrontándose a Quilmes de Mar del Plata.

Na tempada 2016-17 fichou por San Lorenzo, club co que gañou o campionato de Liga, resultando ademais elixido MVP das finais.

Ao ano seguinte gañou co seu club a liga das Américas, sendo tamén elixido MVP do torneo. Igualmente gañou a liga Nacional, sendo declarado MVP tanto da tempada regular como das finais. Ao terminar a tempada asinou contrato por tres anos co Real Madrid.

O 12 de abril de 2021, Deck asinou por varios anos cos Oklahoma City Thunder da National Basketball Association (NBA).

Selección nacional

Deck xogou para a Selección arxentina no Campionato Mundial de Baloncesto Sub-19 de 2013. Tendo unha media de 21.5 puntos e 7.2 rebotes en oito partidos no torneo Mundial FIBA Sub-17 de 2012, Deck foi goleador do torneo e ademais integrou o quinteto ideal xunto a outras grandes promesas como Dante Exum, Mario Hezonja, Justise Winslow e Jahlil Okafor. En abril de 2013, Deck participou no Nike Hoop Summit de 2013 para o equipo da Selección Mundial disputando tan só 8 minutos na vitoria 112-98 sobre a Selección Xuvenil de USA. En 2013 foi campión mundial fiba 3×3 sub18 -fiba 3×3 ou18 world championship- en Iacarta, Indonesia en 2013. Tamén foi pre-seleccionado no equipo do Campionato Mundial de 2014, aínda que finalmente non formou parte da lista definitiva. O seu torneo máis importante a nivel xuvenil é o fiba3x3 ou18 en Iacarta, Indonesia 2013, onde foi campión mundial. En 2015, volveu formar parte da lista de 20 xogadores do adestrador Sergio Hernández con vista aos Xogos Panamericanos e foi parte do equipo que competiu no Campionato FIBA Américas disputado en Cidade de México, obtendo a clasificación aos Xogos Olímpicos de 2016 e o segundo posto neste torneo.

Palmarés

Campionatos nacionais

• Quimsa:
  • Liga Nacional de Básquet: 2014-15.
  • Torneo Súper 8: 2014.
• San Lorenzo de Almagro:
  • Liga Nacional de Básquet: 2016-17, 2017-18.
  • Torneo Súper 4: 2017.
• Real Madrid:
  • Supercopa de España: 2018.

Campionatos internacionais

• Quimsa:
  • Liga Suramericana de Clubs: 2009.
• San Lorenzo de Almagro:
  • Liga das Américas 2018

Galardóns persoais

• MVP das finais da liga das Américas: 2018.
• MVP das Finais da liga Nacional de Básquet: 2016-17, 2017-18.
• MVP da Tempada da LNB: 2017-18.
• Mellor quinteto da liga Nacional de Básquet: 2016-17, 2017-18.
• Mellor xogador nacional da LNB: 2017-18.
• Mellor Xogador U23 da LNB: 2017-18.
• Xogo das Estrelas da liga Nacional de Básquet: 2015.
• Xogador de Maior Progreso da liga Nacional de Básquet: 2014-15.

Véxase tamén

Ligazóns externas

• Ficha en ACB.com (en castelán)
• Ficha de Gabriel Deck na web oficial do Real Madrid (en castelán)