Güyük
| Güyük | |
|---|---|
 | |
| Nome completo | ᠭᠦᠶ᠋ᠦᠭ e Гүюг |
| Nacemento | 19 de marzo de 1206 |
| Lugar de nacemento | Camague Mongol |
| Falecemento | 20 de abril de 1248 |
| Lugar de falecemento | Imperio Mongol |
| Nacionalidade | Imperio Mongol |
| Etnia | Pobo mongol |
| Relixión | Tengrismo |
| Ocupación | monarca |
| Pai | Ögödei |
| Nai | Töregene Khatun |
| Cónxuxe | Wuwuerheimishi, Ogul Caimis e Naimanzhen |
| Fillos | Khoja, Naqu, Khokhoo, Babahaer e Yelimishi |
| Irmáns | Sürkhakhan, Godan Khan, Khadan, Mieli, Khochu, Khorachar e Khashi |
| [ editar datos en Wikidata ] | |
Güyük Khan. Nado en 1206 e finado en 1248, fillo e sucesor de Ögödei e neto de Xenxis Kan.
Traxectoria[editar | editar a fonte]
En 1233 conquistou o reino de Dongxia limítrofe con Corea. Participou na grande invasión do Leste e Centroeuropa dirixida polo xeneral Subotai onde se enemistou con Batu Khan, fillo de Jochi, o primoxénito de Xenxis Kan. Trala rexencia da súa nai, Törgene Khatun, durante cinco anos e contra os desexos do seu pai, e unha vez neutralizada a manobra militar do irmán pequeno de Xenxis Kan, Temuge, foi elixido e entronizado por un multitudinario kurultai o 24 de agosto de 1246. Asistiron príncipes europeos, armenios, xeorxianos, representantes dos selxúcidas, e do propio Califa de Bagdad; pero faltou seu curmán Batu, que estaba consolidando un enorme poder territorial con grande autonomía nas estepas rusas coa súa Horda de Ouro. Nese kurultai estivo tamén o franciscano Xoán de Plano Carpini como embaixador do papa Inocencio IV. Este embaixador solicitoulle que detivese os ataques contra Europa e os reinos cristiáns.
Aumentou os impostos, executou a altos oficiais do anterior goberno que lle resultaron sospeitosos, expresou aos embaixadores europeos as súas pretensións de dominio mundial, autorizou operacións de saqueo en Corea e puña e quitaba reis en reinos como o de Xeorxia, que acabou dividindo, e no Sultanato de Rum. Rodeouse para os labores de goberno de cristiáns nestorianos. Organizou un gran censo nos seus dominios e fixo do reino armenio de Cilicia o seu vasalo.
Resolto a recompoñer a unidade do imperio do seu pai co fin de dominar Europa e preparar un grande ataque mortal ao Imperio Abasida, chamou ao seu encontro a Batu. Este foi advertido de que podía caer nunha trampa, polo que se achegou a Asia central co seu grande exército. Güyük fixo o propio e marchou ao seu encontro. Cando o gran choque parecía inevitable, Güyük morreu en circunstancias pouco claras, parece ser que dunha chea.
Batu conseguiu impoñer ao seu candidato Mongke, fillo de Tolui.
