Francisco Figueras Pacheco

Na Galipedia, a Wikipedia en galego.
Saltar ata a navegación Saltar á procura
Francisco Figueras Pacheco
Nacemento13 de decembro de 1880
 Alacant
Falecemento21 de marzo de 1960
 Alacant
SoterradoCemiterio de Alicante
NacionalidadeEspaña
Alma máterUniversidade de Valencia
Ocupaciónhistoriador e escritor
editar datos en Wikidata ]

Francisco Figueras Pacheco, nado en Alacant o 13 de decembro de 1880 e finado o 21 de marzo de 1960, foi un home de letras español e cronista da cidade de Alacant.

Licenciouse en Dereito pola Universidade de Valencia en 1907, obtendo o doutoramento pola Universidade de Madrid en 1910. En 1909 conseguiu o nomeamento de Cronista Oficial da Cidade de Alacant, cargo que ostentou até a súa morte en 1960. Durante os anos 1934 e 1936, foi tamén o director das escavacións arqueolóxicas do Tosal de Manises, na Albufereta alicantina. Ao longo da súa vida, foi membro de diversas Academias e Institucións culturais de ámbito estatal e local, como a Real Academia da Historia.

Os seus ensaios e estudos adoitaron versar sobre temas relacionados con Alacant, principalmente sobre arqueoloxía de distintos lugares da provincia, dereito consuetudinario e costumismo. Destacan, sobre as súas obras non literarias, Los antiguos gremios de la ciudad de Alicante; Alicante y su folclore (1955); Historia del Turrón y prioridad de los de Jijona y Alicante (1955); Dos mil años atrás (1959); ou a súa monumental Geografía de la provincia de Alicante (1914).

No eido da ficción, escribiu as obras literarias Improntas levantinas, La Deidad del Sol e Volutas de Fuego.

Véxase tamén[editar | editar a fonte]

Bibliografía[editar | editar a fonte]

  • Vicente Gascón Pelegrí. Prohombres valencianos en los últimos cien años, 1878-1978. València. Caixa d'Estalvis de València, 1978. ISBN 84-500-2630-X