Fototeca

Na Galipedia, a Wikipedia en galego.
Saltar ata a navegación Saltar á procura

Unha fototeca é unha organización encargada de adquirir, organizar, conservar e catalogar fotografías para a súa posterior difusión de cara ó usuario. Hai fototecas comerciais e non comerciais, e distínguense ámbalas dúas dos arquivos fotográficos polo tipo de usuario ou cliente. As actividades principais dunha fototeca son: selección e adquisición de fotografías, conservación e difusión destas.

Selección[editar | editar a fonte]

A política de selección de fotografías baséase xeralmente nunha serie de criterios como poden ser:

  • A calidade da fotografía (o seu estado de conservación)
  • A cantidade de fotografías que compoñen unha colección
  • O tema da fotografía
  • O interese para o usuario ou cliente

Adquisición[editar | editar a fonte]

Os métodos máis comúns son os de:

  • A través de fotógrafos no cadro de persoal, non é moi habitual. É máis normal que as fototecas encarguen traballos puntuais a fotógrafos autónomos.
  • Por medio de depósitos: neste caso un ou varios fotógrafos proporcionan as súas fotografías á fototeca para que esta as distribúa, repartindo os beneficios mediante unha porcentaxe
  • Por compra directa: o que implica a cesión por parte do autor de tódolos dereitos sobre as fotografías
  • Por cesións ou doazóns

Conservación[editar | editar a fonte]

As fotografías en papel, debido á sensibilidade deste á luz e ó calor poden estragarse. O habitual é conservar as fotografías en sobres ou cartafoles que as protexan do contorno o máximo posible