Fosfocolina

Na Galipedia, a Wikipedia en galego.
Non se debe confundir con Fosfatidilcolina.
Fosfocolina
Fórmula esquelética
Modelo da fosfocolina
Identificadores
Número CAS 107-73-3
PubChem 1014
MeSH Phosphocholine
Imaxes 3D Jmol Image 1
Propiedades
Fórmula molecular C5H15NO4P+
Masa molecular 184,151 g/mol

Se non se indica outra cousa, os datos están tomados en condicións estándar de 25 °C e 100 kPa.
Referencias

A fosfocolina ou fosforilcolina é unha molécula intermediaria na síntese dos fosfolípidos fosfatidilcolina e esfingomielina nas células animais. A fosfocolina está formada pola colina unida a un fosfato [1].

Orixínase nunha reacción catalizada polo encima colina quinase, que converte ATP + colina en fosfocolina e ADP. Despois a fosfocolina reaccióna co CTP orixinando CDP-colina, e noutra reacción encimática transfírese a fosfocolina a un diacilglicérido formando a fosfatidilcolina e CMP libre.

A fosfocolina pode transferirse dunha fosfatidilcolina a unha ceramida, orixinando unha esfingomielina.

Nos nematodos e na placenta humana a fosfocolina pode utilizarse como unha modificación postraducional para suprimir a resposta inmune no hospedador.[2][3]

A fosfocolina é tamén unha das dianas á que se unen as proteínas C-reactivas (CRP).[4] Cando as células están danadas, as proteínas C-reactivas únense á fosfocolina dando inicio ao recoñecemento celular e á resposta inmunolóxica fagocítica.

A fosfocolina como grupo funcional forma parte de diversos produtos aplicados en doenzas cardíacas tratadas con stents.


Notas[editar | editar a fonte]

  1. PubChem Compound Phosphorylcholine
  2. Lovell TM, Woods RJ, Butlin DJ et al. (September 2007). «Identification of a novel mammalian post-translational modification, phosphocholine, on placental secretory polypeptides». J. Mol. Endocrinol. 39 (3): 189–98. doi:10.1677/JME-07-0007. PMC 2189575. PMID 17766644. 
  3. «Placenta 'fools body's defences'». BBC News. 2007-11-10. Consultado o 2010-05-22. 
  4. Thompson D, Pepys MB, Wood SP. (1999). «The physiological structure of human C-reactive protein and its complex with phosphocholine.». Structure 7 (2): 169–77. doi:10.1016/S0969-2126(99)80023-9. PMID 10368284. 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]