Fosfatase

Na Galipedia, a Wikipedia en galego.

As fosfatases son encimas que quitan un grupo fosfato do seu substrato ao hidrolizar os monoésteres de ácido fosfórico dando lugar a un ión fosfato libre e unha molécula cun grupo hidroxilo libre (desfosforilación). Esta acción é a oposta á realizada polas fosforilases e quinases, as cales unen grupos fosfatos aos seus substratos utilizando moléculas enerxéticas como o ATP.

Unha fosfatase común en moitos organismos é a fosfatase alcalina. Outro gran grupo de proteínas presentes en arqueas, bacterias, e eucariotas mostran actividades de deoxirribonucleótido e ribonucleótido fosfatase ou de pirofosfatase, que catalizan a descomposición de dNTP/NTP en dNDP/NDP e un ión fosfato libre ou dNMP/NMP e un ión pirofosfato libre.[1][2][3] Outras afectan a lípidos.

O outro gran grupo de fosfatases é o das proteína fosfatases, que quitan un grupo fosfato dun residuo de aminoácido fosforilado da proteína substrato. A fosforilación de proteínas é unha modificación postraducional común das proteínas, catalizada por proteína quinases, mentres que as proteína fosfatases invirten o efecto.

Notas[editar | editar a fonte]

  1. Davies O, Mendes P, Smallbone K, Malys N (2012). "Characterisation of multiple substrate-specific (d)ITP/(d)XTPase and modelling of deaminated purine nucleotide metabolism". BMB Reports 45 (4): 259–64. PMID 22531138. doi:10.5483/BMBRep.2012.45.4.259. 
  2. Martin, S. S. and Senior, H. E. (1980). "Membrane adenosine triphosphatase activities in rat pancreas". Biochim. Biophys. Acta 602: 401–418. PMID 6252965. doi:10.1016/0005-2736(80)90320-x. 
  3. Riley, M. V. and Peters, M. I. (1981). "The localization of the anion-sensitive ATPase activity in corneal endothelium". Biochim. Biophys. Acta 644: 251–256. PMID 6114746. doi:10.1016/0005-2736(81)90382-5. 

Véxase tamén[editar | editar a fonte]

Ligazóns externas[editar | editar a fonte]