Fokker 100

Fokker 100
Instancia de familia de aeronaves
Subclase de aeronave de fuselaxe estreita jet airliner with 2 engines (en)
Baseado en Fokker F28 Fellowship
Uso aviación civil aviación comercial
Persoas e organizacións
Desenvolvedor Fokker
Operador/a Avianca Canadian North Touraine Air Transport (pt) Air Berlin Denim Air Skippers Aviation Transwede Airways (en) Swissair American Airlines Austrian Airlines OLT Express (pt) Germania QantasLink
Produción
Fabricante Fokker
Total producido 283
Características
Autonomía 2450 km 3170 km
Impulsado por Rolls-Royce RB.183 Tay
Configuración da á á baixa
Dimensión Capacidade 122 Altura 8,6 m Lonxitude 35,53 m Envergadura 28,08 m Altitude operacional 35.000 pés
Datas  Entrada en servizo 3 de abril de 1988  Primeiro voo 30 de novembro de 1986
Localización  País de orixe Países Baixos
Identificadores Freebase /m/026tpm
Fontes e ligazóns  Páxina WEB fokkerservices.com…  Descrito pola fonte Jane's World Aircraft Recognition Handbook, Fourth Edition (en)
Wikidata G:Commons C:Commons

O Fokker 100 é un avión de pasaxeiros de tamaño medio fabricado por Fokker. Os seus baixos custos operacionais e a escasa competencia no rango dos 100 asentos e curto alcance levaron a unhas fortes vendas do modelo cando foi introducido a finais dos 80, pero estas diminuíron a medida que a competencia aumentou. A fabricación rematou en 1997 con 283 unidades entregadas. En xullo do 2012 aínda quedaban 156 Fokker 100 en servizo con 30 aeroliñas de todo o mundo.

Deseño e desenvolvemento

O programa Fokker F28 Mk 0100 anunciouse en 1983 como un substituto mellorado para o popular Fokker F28. Comercializado como Fokker 100, o deseño estaba baseado no F28 orixinal pero con aviónica moderna, motores turboventilador Rolls-Royce Tay de nova xeración e unha á redeseñada. Porén a diferenza máis destacable foi a fuselaxe máis longa, incrementando o número de pasaxeiros dos 65 do F28 a 107 nunha configuración de clase única. Fokker afirmaba que a nova á era un 30% máis eficiente en cruceiro, mentres que aínda conservaba a simplicidade do bordo de ataque fixo. A cabina foi mellorada cun sistema electrónico de instrumentos de voo Rockwell Collins DU-1000. Ao igual que o F28, o Fokker 100 conta cos motores na parte traseira da fuselaxe e unha cola en T, semellante aos avións da familia Douglas DC-9.

Fabricáronse dous prototipos. O primeiro, PH-MKH, voou por vez primeira o 30 de novembro de 1986, e o segundo, PH-MKC, o 27 de febreiro de 1987. O modelo foi certificado en novembro de 1987. As primeiras entregas das versións impulsadas polo TAY620-15 comezaron para Swissair en febreiro de 1988. American Airlines (con 75 avións pedidos), TAM Transportes Aéreos Regionais (na actualidade TAM Airlines) (con 50 unidades) e USAir (con 40) foron os maiores clientes do Fokker 100 e os seus exemplares foron equeipados co máis potente motor TAY 650-15.