Flash mob

Na Galipedia, a Wikipedia en galego.
Saltar ata a navegación Saltar á procura

A "Batalla de "Almofadiñas"" en Madrid.

Un flashmob, traducido literalmente do inglés como «multitude relámpago» (flash: ‘brillo, ráfaga’; mob: ‘multitude’) é unha acción organizada na que un gran grupo de persoas se reúne de súpeto nun lugar público, realiza algo infrecuente e logo se dispersa rapidamente. Por tanto, unha tradución válida, non literal, do termo sería «acto multitudinario relámpago». Adoitan convocarse a través dos medios informáticos (móbiles ou celulares, e Internet) e na maior parte dos casos, non teñen ningún fin máis que o entretemento, pero poden convocarse tamén con fíns políticos ou reivindicativos.

Unha das particularidades destas «tribos temporais» é que non requiren contar co apoio dos medios de comunicación de masas para comunicarse, coordinarse e actuar de maneira conxunta, xa que a súa comunicación funciona a través de redes sociais virtuais. Trátase de individuos que, apoiados polas tecnoloxías de comunicación, difunden mensaxes ás súas redes sociais de amigos e coñecidos, os cales fan o mesmo ata construír unha gran cadea de comunicación que é capaz de mobilizar milleiros de persoas.

Recentemente, a actividade foi utilizada como parte de campañas publicitarias de diversos produtos, programando a reunión nalgún sitio público pero coa participación de bailaríns e artistas que simulan un flashmob tradicional pero incluíndo aspectos da marca que se promove.

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]