Final Fantasy X

Na Galipedia, a Wikipedia en galego.
Final Fantasy X
Desenvolvedor(es)Square
Distribuidora(s)Square
Compositor(es)Nobuo Uematsu
Lanzamento19 de xullo de 2001
Xénerovideoxogo de rol
Modos de xogovideoxogo para un xogador
Clasificación PEGI
CERO
USK
Plataforma(s)PlayStation Vita, PlayStation 3, PlayStation 2 e PlayStation 4
Na rede
http://na.square-enix.com/games/FFX
IMDB: tt0284110 Allmusic: mc0002577594 Editar o valor em Wikidata
editar datos en Wikidata ]

Final Fantasy X, frecuentemente abreviado como FFX, foi desenvolvido por Squaresoft en 2001 para o sistema Playstation 2, chegando a Europa no 2002. FFX é a décima entrega da serie Final Fantasy (FF) e foi a primeira en aparecer para Playstation 2.

Historia[editar | editar a fonte]

"Listen to my story, this may be our last chance" ("Escoiten a miña historia, poida que sexa a nosa última oportunidade") Tidus é unha nova estrela do Blitzball. Xoga no equipo dos Zanarkand Abes, o equipo da súa cidade. Un día, durante un partido, un estraño ser ataca a cidade onde Tidus vive. Auron, un misterioso personaxe que coñecía ao pai de Tidus, Jecht (unha estrela do Blitzball), axúdalle a escapar introducíndose na esfera que trouxera aos seres que devastaran a cidade de Tidus. A esfera, que é a maior ameaza coñecida, chámase Sinh, como Auron informa a Tidus. E é que Auron parece saber moito máis do que está pasando do que conta... Tidus espértase nun lugar descoñecido para el. Canso e famento busca refuxio dentro dunhas ruínas, onde é atacado por unha besta (fiend). Na calor da batalla, é auxiliado por unha misteriosa rapariga chamada Rikku, que aparece de improviso. Ela lévao consigo e dálle para comer. Logo, Tidus decatarase de que Zanarkand fora destruída 1000 anos atrás... E aquí é onde verdadeiramente empeza a aventura. Encarnando a Tidus deberemos descubrir que é o que nos pasou e como poderemos volver a Zanarkand, o noso fogar. Pero parece que para iso deberemos descubrir cal é a relación entre a nosa viaxe e Sinh. Coñeceremos a moitos personaxes nunha intricada historia que nos revelasen aos poucos verdade detrás de Sinh (pecado en galego) e o mundo de Tidus que parecese existir noutro tempo, entre estes personaxes coñeceremos unha das protagonistas: Yuna que xunto a Tidus embárcase nunha grande aventura para librar de Sinh a Spira e regresar a Tidus ao seu propio tempo. Os protagonistas da décima parte da eterna historia de amor, odio, maxia e fantasía de Square-Enix son os máis carismáticos dos últimos xogos da saga. As diferentes motivacións de cada un deles fan que as personalidades dos principais personaxes sexan claramente distinguibles, o que engade un compoñente de imprevisibilidade ao argumento que é moi de agradecer nun xogo cuxa trama podería converter ao guión en algo moi previsible.