Festa do Esquecemento

Na Galipedia, a Wikipedia en galego.
Saltar ata a navegación Saltar á procura
Décimo Xunio Bruto atravesa o río Limia
Batalla entre castrexos e romanos
Lexionario

A Festa do Esquecemento, organizada pola Asociación Cultural Civitas Limicorum, é un evento festivo de recreación histórica, celebrado ininterrompidamente desde o ano 2001 na localidade de Xinzo, que lembra a chegada das lexións romanas comandadas por Décimo Xuño Bruto até a marxe esquerda do río Limia.

O denominación da festa, “Esquecemento”, débese a que as tropas romanas, por mor do singular lugar en que debían cruzar o río Limia, creron acharse perante o lendario río Lethes, o río do Esquecemento, que facía esmorecer todas as lembranzas de quen o atravesase. Ante esta crenza e dificultade, Décimo Xuño Bruto, para que as lexións continuasen avanzando, viuse obrigado a cruzar o río empuñando o estandarte das aguias de Roma e a chamar polo seu nome a cada soldado desde a outra marxe para demostrar que a súa crenza era mera superstición.

A festa ten como momento máis significativo a recreación do paso do río Limia, mais hai outras moitas representacións da tradición e cultura castrexa e romana como danzas, mercado romano, banquetes romanos, desfile de lexións, loita de gladiadores, carreiras de cuadrigas etc.

Festa do Esquecemento 2011[editar | editar a fonte]

Algunhas das actividades desenvolvidas na Festa do Esquecemento 2011[1]:

  • Venres ás 23:00 h.
  • Acto de invocación as deusas Xuno e a deusa Mae-Callaech.
  • Sábado 24-08-2011.
  • Escaramuzas e liortas entre castrexos e romanos polo macelum.
  • Obradoiros, xogos, desfiles, animacións...
  • Ludi gladiatori (Loitas de gladiadores).
  • Vodas e nasciturus: Flamen Marco Flavio Sabino e Druída Rodrigísturis.
  • Selado do Pacto de Hospitalidade de grupos invitados coa Civitas Limicorum.
  • Cea de confraternización castrexa e romana.
  • Domingo 25-08-2011.
  • Expugnatium: Os castrexos non pagan impostos, participan: Caetra, Lugdunum, Tir Na Nog, Civitas Lucensis e Lucus Equites.
  • Representación do Cruce do Lethes.
  • Batalla entre Castrexos e Romanos.
  • Desfile xeral dos grupos Castrexos e Romanos cun gran percorrido.
  • Circo romano.
  • Troula romana.
  • Demostracións equestres a cargo do grupo Lucus Equites.

Galería de imaxes[editar | editar a fonte]

Notas[editar | editar a fonte]

  1. Páxinas galegas. "Festa do Esquecemento en Xinzo de Limia". Arquivado dende o orixinal o 17-08-2012. Consultado o 12-06-2012. 

Véxase tamén[editar | editar a fonte]

Ligazóns externas[editar | editar a fonte]