Festa da Istoria

Na Galipedia, a Wikipedia en galego.
Xadrez humano.

A Festa da Istoria celébrase a última fin de semana do mes de agosto en Ribadavia (Ourense).[1] En 1997 declarouse festa de interese turístico nacional. Calcúlase que unhas 75.000 persoas acoden anualmente a esta festa.

Orixe[editar | editar a fonte]

Esta festa aparece citada xa en documentos datados no século XVIII, pero en 1868 deixou de celebrarse. En 1989, a Escola taller "San Andrés" xunto con José Ramón Estévez, estudoso da historia de Ribadavia, comezaron coa súa recuperación, traballo que continuaría logo unha coordinadora veciñal cando a escola desapareceu.[2]

Organización da festa[editar | editar a fonte]

Os membros da organización reúnense unha vez cada 15 días durante todo o ano agás os últimos 3 meses, onde se reúnen 1 vez cada semana. Estes tres meses anteriores á festa confecciónanse os estandartes, escudos, complementos etc. así como a roupa de época que van levar. Neste labor participa gran parte do pobo.

Desenvolvemento da festa[editar | editar a fonte]

Un pregoeiro anuncia o comezo da festa a primeira hora do día lendo un pregón (cada ano léeo un veciño ilustre). Despois disto comeza un desfile onde miles de persoas, tanto xente do pobo coma visitantes, percorren a rúa principal de Ribadavia vestidos de época, montados a cabalo etc.

A festa conta cun banco onde cambian moeda de curso legal por marabedís, a moeda oficial da festa, coas que se pode mercar comida, obxectos etc. nos postos que hai polas rúas da vila[3].

Un dos actos da festa é a realización dun xadrez vivente. Enriba dun gran taboleiro de xadrez varios nenos representan as figuras da partida e replican os movementos dos xogadores. Ao longo do día realízanse espectáculos de cetraría, bailes medievais, representacións teatrais, torneo etc. Ao final do día, celébrase o último acto da festa, a cea medieval, onde só pode asistir xente vestida de época.

Galería de imaxes[editar | editar a fonte]

Notas[editar | editar a fonte]

  1. Festa da Istoria Arquivado 07 de marzo de 2016 en Wayback Machine. en Turgalicia.
  2. "Festa da Istoria na web da Fundación Festa da Istoria". Arquivado dende o orixinal o 07 de agosto de 2012. Consultado o 05 de outubro de 2012. 
  3. Pita Fernández, Ricardo Luís (1999). Numismática galega. A moeda en Galicia e Galicia na moeda. Santiago de Compostela. [ISBN 84-605-9958-2]

Véxase tamén[editar | editar a fonte]

Ligazóns externas[editar | editar a fonte]