Ferrari Modulo
| Ferrari Modulo | |
 | |
| Matriz | Fiat S.p.A |
| Fabricante | Ferrari |
| País | Italia |
| Deseño | Paolo Martin de Pininfarina |
| Período | 1970 (unha unidade) |
| Configuración | |
| Tipo | Prototipo |
| Carrozaría | Semi-monocasco |
| Configuración | Motor central traseiro, tracción traseira |
| Dimensións | |
| Lonxitude | 4480 mm |
| Anchura | 2040 mm |
| Altura | 935 mm |
| Distancia eixes | 2405 mm |
| Peso | 900 kg |
| Características técnicas | |
| Motor | V12 |
O Ferrari 512 S Modulo é un prototipo de automóbil deseñado por Pininfarina para a marca de automóbiles italiana Ferrari, que se presentou no Salón do Automóbil de Xenebra de 1970. O Modulo foi ben recibido polos críticos e gañou 22 premios polo seu deseño.[1][2]
Deseño[editar | editar a fonte]
Baseado nun 512 S de competición, o Ferrari 512 S Modulo ten unha carrozaría extremadamente baixa (só 93 centímetros de altura) cun deseño de teito con cuberta deslizábel cara a adiante para permitir a entrada ao interior (unha única porta, denominada porta tipo cúpula). As catro rodas do vehículo están parcialmente cubertas. Outra característica especial do deseño é que consta de vinte e catro buracos na cuberta do motor situada na parte traseira, os cales permiten ver o motor.
Mecánica[editar | editar a fonte]
O motor do Modulo é un Type 261C DOHC de 12 cilindros en V a 60°,[3] con 4994 cc (5,0 L) e unha potencia de 550 CV (410 kW) a 8500 rpm.[4] Ten unha caixa de cambios manual con 5 velocidades.
Notas[editar | editar a fonte]
- ↑ George, Patrick. "The Ferrari 512S Modulo Is The Weirdest Ferrari Ever By A Wide Margin". Jalopnik (en inglés).
- ↑ Prototipos olvidados: Ferrari Modulo (1970). Es.motor1.com.
- ↑ "1970 Ferrari 512 S Modulo - Images, Specifications and Information". Ultimatecarpage.com (en inglés).
- ↑ "www.pininfarina.it. Ferrari Modulo.". Arquivado dende o orixinal o 9 de febreiro de 2012.