Fanny Cochrane Smith

Na Galipedia, a Wikipedia en galego.
Fanny Cochrane Smith
Nacementodecembro de 1834
Lugar de nacementoIlla Flinders
Falecemento24 de febreiro de 1905
Lugar de falecementoPort Cygnet
Causapneumonía
NacionalidadeAustralia
editar datos en Wikidata ]

Fanny Cochrane Smith, (cara o 1834 - 24 de febreiro de 1905) foi unha aborixe tasmaniana, a primeira en nacer tralo traslado da poboación indíxena de Tasmania a Wybalena, na Illa Flinders. É famosa polas súas gravacións de cancións aborixes en cilindros de fonógrafo, que representan as únicas gravacións sonoras dunha lingua tasmaniana.

Tivo 11 fillos e unha porcentaxe alta da poboación aborixe actual de Tasmania é descendente súa. Existe algunha polémica sobre a data exacta da súa morte e se foi ela ou Truganini a derradeira aborixe de ascendencia totalmente indíxena. Morreu de pneumonía e pleurite o 24 de febreiro de 1905, en Port Cygnet.

A gravación das cancións de Smith serviu de inspiración ó cantante australiano de folk Bruce Watson, que escribiu "O home e a muller e o fonógrafo de Edison".[1] O avó de Watson, chamado Horace, colaborara na gravación de Fanny Cochrane Smith, e no museo nacional de Australia atópase unha fotografía de Watson con ela.

Notas[editar | editar a fonte]

  1. "Musicological Society of Australia". Arquivado dende o orixinal o 19 de xullo de 2008. Consultado o 02 de abril de 2012. 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]