Faiza Al-Kharafi
| Biografía | |
|---|---|
| Nacemento | 1946  (77/78 anos)Cidade de Kuwait |
| Reitora | |
| | |
| Datos persoais | |
| Relixión | Sunnismo |
| Educación | Universidade Ain Shams Universidade de Kuwait |
| Actividade | |
| Ocupación | química |
| Empregador | Universidade de Kuwait |
| Familia | |
| Cónxuxe | Ali Mohammed Thunayan Al-Ghanim |
| Fillos | Marzouq Al-Ghanim |
| Irmáns | Fawzi Al-Kharafi |
| Premios | |
| |
Faiza Al-Kharafi nada en 1946, é unha química e académica kuwaití. Dirixiu a Universidade de Kuwait de 1993 a 2002. En 2011 recibiu o Premio L'Oréal-UNESCO a Mulleres en Ciencia polo seu traballo sobre a corrosión.[1][2]
Traxectoria
[editar | editar a fonte]Naceu nunha familia acomodada. Obtivo unha licenciatura en ciencias na Universidade Ain Shams do Cairo en 1967. Despois fixo un máster en 1972 e un doutoramento en 1975. Traballou no departamento de Química da Universidade de Kuwait de 1975 a 1981. En 1984 foi elixida presidenta deste departamento. De 1986 a 1989,foi decana da facultade de ciencias. O 5 de xullo de 1993, foi nomeada reitora polo emir Xabir al-Ahmad al-Xabir al-Saba, converténdoa na primeira muller de Oriente Medio en dirixir unha universidade. Foi a súa directora ata 2002.
A súa investigación versa sobre o impacto da corrosión nos sistemas de refrixeración dos motores, nas unidades de destilación de petróleo e nas salmoiras xeotérmicas a altas temperaturas. Tamén estudou o comportamento electroquímico de aluminio, cobre, platino, niobio, vanadio, cadmio, latón, cobalto e aceiro baixo carbono.[3] Xunto co seu equipo de investigación, descubriu unha nova clase de catalizadores a base de molibdeno, un elemento químico que permite mellorar o índice de octano da gasolina sen producir benceno .[4] En 1998 formou parte do consello de administración da Universidade das Nacións Unidas e da Fundación Kuwait para o Avance das Ciencias.
Recoñecementos
[editar | editar a fonte]- 2005: formou parte das 100 mulleres máis poderosas do mundo segundo a revista Forbes. [5]
- 2006: Premio Kuwait de Ciencias Aplicadas.
- 2011: Premio L'Oréal-UNESCO a Mulleres en Ciencia polo seu traballo sobre a corrosión, un problema de fundamental importancia para o tratamento da auga e para a industria petroleira.[6][7]
Notas
[editar | editar a fonte]- ↑ "Mujeres científicas". woman.elperiodico.com (en castelán). 2011-03-08. Consultado o 2021-12-18.
- ↑ "Las mejores científicas del año 2010-". Natura - Medio Ambiental (en castelán). 2010-11-22. Arquivado dende o orixinal o 18 de decembro de 2021. Consultado o 2021-12-18.
- ↑ Biografía sobre el website de Kuwait-PUSO Center for Natural Resources and the Environment
- ↑ (en grego)Présentation des recherches de Faiza Al-Kharafi
- ↑ Middle Eastern Women To Watch
- ↑ 13.º Premio L'Oréal-UNESCO para las Mujeres y la Ciencia, 2011
- ↑ Vídeo de presentación de sus investigaciones en el marco del premio L'Oréal-Unesco para las mujeres y la ciencia 2011
| Control de autoridades |
|
|---|
