Eva García de la Torre

Na Galipedia, a Wikipedia en galego.
Saltar ata a navegación Saltar á procura
Eva García de la Torre
Eva García de la Torre, alcaldesa do Porriño.jpg
Nacemento1962
Lugar de nacementoSevilla
Falecemento27 de xaneiro de 2022
NacionalidadeEspaña
Ocupaciónavogada e política
editar datos en Wikidata ]

Eva García de la Torre, nada en Sevilla en 1962 e finada en Vigo o 27 de xaneiro de 2022[1], foi unha avogada e política galega do PSdeG-PSOE.

Traxectoria[editar | editar a fonte]

Exerceu como avogada no Porriño. Nas eleccións municipais de 2011 foi elixida concelleira do Porriño polo PSdeG-PSOE. Nas eleccións xerais de 2011 foi a número 4 do PSOE ao Congreso pola provincia de Pontevedra.[2] Nas municipais de 2015 encabezou a candidatura do PSdeG e foi elixida alcaldesa co apoio de UDDL, BNG e EU-Son.[3] Os comicios de 2019 viron unha repetición dos resultados, cunha vitoria do Partido Popular insuficiente e un acordo de goberno de todos os demais partidos para formaren goberno, polo que Eva García seguiu a ser a alcaldesa.

Porén, a finais de 2021 a situación política do concello do Porriño estaba moi deteriorada. A perda de confianza dos seus socios de EU-Son e os ruxerruxes dunha moción de censura de esquerdistas e conservadores levaron a García de la Torre a presentar a súa dimisión no mes de novembro.[4] Finou dun infarto dous meses despois.[5]


Predecesor:
Nelson Santos Argibay
 Escudo de Porriño.svg
Alcaldesa do Porriño
 
2015 - 2021
Sucesor:
Alejandro Lorenzo Alonso


Vida persoal[editar | editar a fonte]

Entre as razóns que aduciu para dimitir Eva García de la Torre do seu posto de alcaldesa sinalou a súa orientación sexual.[4]

Notas[editar | editar a fonte]

Véxase tamén[editar | editar a fonte]

Outros artigos[editar | editar a fonte]